LITTLE ROCK, Ark. – Cov neeg Arkansas uas tau txais kev puas tsuaj los ntawm cov cua daj cua dub loj, cua daj cua dub raws seem ncaj, cua daj cua dub khaub lig cua, thiab dej nyab txij Lub Tsib Hlis Tim 24 txog Lub Tsib Hlis Tim 27, 2024, yuav tuaj yeem muaj cai tsim nyog tau txais kev pab cuam rau xwm txheej kev puas tsuaj nyob rau hauv FEMA Lub Khoos Kas Pab Leej Neeg thiab Tsev Neeg. Tam sim no, cov niam txiv pej xeem nyob rau hauv nroog Benton, Boone thiab Marion yuav tuaj yeem muaj cai tsim nyog tau txais kev pab rau xwm txheej kev puas tsuaj.
FEMA qhov kev pab rau xwm txheej kev puas tsuaj muab cov txiaj ntsig uas muab cov nyiaj pab yooj yim ncaj qha rau cov neeg dim siav thaum muaj kev xav tau ntau tshaj plaws. Tsis tas li ntawd, tus txheej txheem uas muaj kev yooj yim thiab qhov kev muaj cai tsim nyog uas tau nthuav dav yuav pab kom cov neeg Arkansas tuaj yeem nkag mus siv tau ntau yam kev pab cuam nrog cov kev xav tau heev.
Assistance Available
- Qhov Kev Pab Rau Cov Kev Xav Tau Heev (SNA) muab nyiaj pab rau cov tsev neeg los them rau cov khoom tseem ceeb xws li dej, zaub mov, kev pab thaum xub thawj, cov khoom siv pub mis, cov mis hmoov pub me nyuam mos, ntaub daiv pawm, cov khoom siv tu cev ua kev nyiam huv, roj tsheb thauj mus los los sis lwm yam khoom siv ti tes ti taw rau cov tsev neeg muaj cai tsim nyog.
- Txhawm rau kom muaj cai tsim nyog tau txais SNA, koj yuav tsum yog tus neeg raug rhais chaw nyob, xav tau chaw nyob los sis muaj lwm yam nqi rau xwm txheej ti tes ti taw vim muaj kev puas tsuaj nyob rau hauv koj daim ntawv thov.
- Kev Pab Rau Kev Raug Rhais Chaw (DA) muab nyiaj pab thaum xub thawj rau cov neeg txhawm rau pab cov kev xaiv fab vaj tsev nyob tam siv raws li lawv xaiv, txhawm rau kom cov neeg muaj vaj tsev nyob. Cov nyiaj no tuaj yeem muab siv rau kev nyob hauv tsev so, nyob nrog tsev neeg thiab tej phooj ywg los sis lwm yam kev xaiv.
Kev Pab Rau Kev Muaj Kev Xav Tau Heev thiab Kev Pab Rau Kev Raug Rhais Chaw puav leej yog tau txais nyiaj pab tom qab qhov kev tshuaj xyuas txhij txhua lees paub tias muaj cai tsim nyog tau txais lawm.
Apply to FEMA
Cov neeg Arkansas tuaj yeem ua ntawv thov FEMA tau nyob rau ntau txoj hauv kev suav nrog hauv oos lais ntawm DisasterAssistance.gov, kev rub lub FEMA App rau cov cuab yeej ntawm tes, los sis hu rau FEMA Tus Xov Tooj Muab Kev Pab ntawm 800-621-3362. Peb yuav txais xov tooj txhua hnub txij li 6 teev sawv ntxov txog 10 teev tsaus ntuj raws lub sij hawm CDT. Peb muaj kev pab ua ntau hom lus. Yog tias koj siv qhov kev pab cuam xa mus, xws li kev pab cuam vis dis aus relay (VRS), kev pab cuam kev hu xov tooj ua lus piav qhia los sis lwm yam kev pab cuam, muab qhov kev pab cuam ntawd tus xov tooj rau FEMA. Txhawm rau mus saib daim vis dis aus uas tuaj yeem nkag mus saib tau hais txog txoj hau kev ua ntawv thov, mus rau: Peb Txoj Hau Kev Teev Npe rau FEMA Qhov Kev Pab Rau Xwm Txheej Kev Puas Tsuaj - YouTube.
Cov Kev Pab thiab Cov Txiaj Ntsig Ntau Ntxiv
- Kev Hloov Kho Cov Cai Rau Kev Ua Ntawv Thov kom cov neeg tuaj yeem ua ntawv thov rau Teb Chaws Meskas Lub Loos Kam Saib Xyuas Kev Lag Luam Me (Small Business Administration SBA) thiab FEMA qhov kev pab nyob rau tib lub sij hawm.
- Kev Txhawb Pab rau Cov Neeg Uas Muaj Kev Tuav Pov Hwm Qis los pab fab kev txhim kho vaj tse uas cov tuam txhab tuav pov hwm tsis kam them, thiab lawv tsis tuaj yeem them taus los ntawm lawv tus kheej.
- Kev Pab rau Cov Tub Lag Luam Kom Yooj Yim los ntawm kev muab qee yam kev pab fab nyiaj txiag thaum xub pib rau cov neeg ua hauj lwm rau yus tus kheej txhawm rau los hloov cov twj thiab cov cuab yeej uas tau txais kev puas tsuaj los ntawm xwm txheej kev puas tsuaj txhawm rau pab kom lawv nrhiav tau rau lawv tus kheej noj.
- Piv Txwv: cov khoos phis tawj yog hais tias koj yog ib tug neeg ua hauj lwm ywj pheej ib vuag, tus neeg txiav nyom yog hais tias koj yog tus neeg tu tej chaw cog paj zoo nkauj
- Tus Qauv Cai Hais Txog Kev Tuaj Yeem Siv Ua Chaw Nyob Tau Nthuav Dav los pab cov tib neeg ua kom lawv lub tsev muaj kev nyab xeeb thiab huv dua qub tuaj tom qab xwm txheej kev puas tsuaj thiab kom lawv tuaj yeem kho txhua yam ntawm lawv lub tsev tom qab xwm txheej kev puas tsuaj.
- Yav dhau los, yog lub tsev yeej muaj lub ru tsev xau nag ua ntej muaj xwm txheej kev puas tsuaj lawm, ces suam ntawd ntawm lub tsev yuav tsis muaj cai tsim nyog tau txais.
- Kev Txhim Kho Kom Tuaj Yeem Nkag Tau Mus Siv txhawm rau pab cov neeg xiam oob qhab txhim kho lawv txoj kev ua neej los ntawm kev ua kom lawv lub tsev tuaj yeem nkag tau mus siv yooj yim dua li ua ntej yuav muaj kev puas tsuaj.
- Kev Hloov Kho Cov Ntawv Thov Lub Khoos Kas Kev Pab Fab Vaj Tsev Ib Vuag los ntawm kev txo cov ntaub ntawv uas xav tau rau cov neeg ua ntawv thov uas xav tau kev nyob txuas ntxiv rau hauv lawv qhov chaw nyob ib vuag uas tau txais kev txhawb pab los ntawm FEMA.
- Kev Ua Kom Tus Txheej Txheem Kev Thov Kom Rov Txiav Txim Dua Kom Yooj Yim kom cov neeg uas xav thov kom rov txiav txim dua rau FEMA cov kev txiav txim siab yuav tsis tas yuav tsum tau muab daim ntawv thov kom rov txiav txim dua yam sau ua ntaub ua ntawv uas kos npe rau lawm nrog cov ntaub ntawv txhawb nqa.
- Kev Pab Khoos Phis Tawj rau cov neeg uas xav tau kev kho los sis hloov cov khoos phis tawj uas piam los ntawm xwm txheej kev puas tsuaj.
Rental Assistance for Temporary Housing
Yog tias tam sim no koj nyob rau hauv nroog Benton, Boone thiab Marion thiab tau txais kev puas tsuaj rau koj qhov chaw nyob tseem ceeb, ces tej zaum FEMA yuav tuaj yeem muab nqi xauj tsev rau qhov chaw nyob ib vuag rau tau nyob thaum koj raug rhais chaw lawm. Kev pab nqi xauj tsev yog npaj los them cov nqi xauj tsev txhua hli, kev tso nyiaj khiab tuav kev ruaj ntseg thiab tus nqi ntawm cov khoom siv tseem ceeb xws li hluav taws xob thiab dej.
Cov Nqi Kho Tej Yam Khoom Loj thiab Cov Nqi Uas Yus Thau Yus Pob Los Them
FEMA qhov kev pab ntawm Lub Khoos Kas Pab Leej Neeg thiab Tsev Neeg yog npaj los pab txhawb kom koj zoo rov qab los li qub kom sai. Ntawm no yog qee cov piv txwv txog cov kev xav tau qib tiag taw:
- Kev Pab Kho Tsev yog yuav muab rau cov tswv tsev los kho cov ntau feem ntawm lawv lub tsev. Qhov no suav nrog tej qhov rai, qhov rooj, plag tsev, phab ntsa, qab nthab, txee, cua sov, chaw tso cua thiab cov cua txias (HVAC), tej khoom siv zej tsoom (hluav taws xob, dej thiab roj av) thoab cov kev nkag. Tsis tas li xwb, FEMA kuj tseem yuav them nyiaj rov qab rau tus nqi tiag-tiag los kho los sis hloov koj lub qhov cub, qhov dej ntiag tug thiab cov kav dej qias neeg uas tau txais kev puas tsuaj los sis puas ntsoog los ntawm qhov xwm txheej kev puas tsuaj tib si thiab.
Hais txog rau cov ntaub ntawv tshiab tshaj plaws, mus saib fema.gov/disaster/4788. Soj qab saib FEMA Cheeb Tsam 6 X tus askhauj ntawm X.com/FEMARegion6 los sis nyob hauv Facebook ntawm facebook.com/FEMARegion6/.