San Diego, Kalfonia. — E masani lava ona faatupuina le faiga faasolitulafono pe a ma’ea se faalavelave faale natura. O tagata fao mea faitogafiti e taumafai e saili faamaumauga ma faamatalaga e uiga i tagata aafia ina ia latou gaoia ma faaaoga i ala faasolitulafono.
I isi tulaga, e taumafai le au gaoi e apalai i le FEMA mo fesoasoani e faaaoga ai igoa, tuatusi ma numera o Saogalemu ua uma na latou gaoia mai tagata aafia. Faataitaiga, e iai le au tau faasese e faafoliga mai o i latou o tagata faigaluega a le FEMA poo isi foi tagata faigaluega a le malo.
O tagata faigaluega uma a le FEMA e tofu uma ma pine faigaluega o loo i ai ma latou ata. E le fesiligia e se tagata faigaluega a le FEMA se isi ina ia totogi se tupe e faila ai se talosaga faaulu, se asiasiga poo se fesoasoani i le faatumuina o se talosaga. E mafai ona ripotia mai ni faiga faapea e ala i le imeli mai i le StopFEMAFraud@fema.dhs.gov pe valaau mai i lel 866-223-0814.
Afai e sau se tagata o le aufaigaluega a le FEMA mo se asiasiga i le fale o se na aafia e aunoa ma se talosaga na faaulu e le tagata aafia i le FEMA, e i ai le talitonuga ua faaaogaina faamatalaga e uiga i lea tagata e aunoa ma so latou silafia. Afai ua tupe lea tulaga, e tatau ona faailoa e lea tagata aafia i le aufaigaluega asiasi a le FEMA e na te le’i faauluina se talosaga ina ia tuufaatasia e lea tagata asiasi a le FEMA le talosaga e taofi ai lea pepa apalai mai le faagasologa o talosaga.
Afai e le’i apalai le tagata aafia ae te’i ua maua atu se tusi mai le FEMA, e tatau ona valaau lea tagata i le Lainafesoasoani a le FEMA i le 800-621-3362. O le lainafesoasoani latou te faauuina le talosaga e taofia ai le pepa apalai mai le faatumauina i le gasologa o talosaga.
Afai e manao le tagata aafia e apalai i le FEMA mo se fesoasoani i le ma’ea ai ona taofia o le talosaga talu le masalomiaga o ni gaioiga tau fa’asese sa faia e se tasi ma faaaogaina ai lona igoa, e fesoasoano le lainafesoasoani e toe faaulu se talosaga fou.
Faiga Tau Faasese
- E le tatau ona talitonuina e se tagata aafia se tasi e folafolaina se vaega tupe e tele pe a totogi atu muamua se tupe..
- Ia mataalia telefoni e te’i lava ua valaau mai poo asiasiga faafuase’i a tagata e faimai o latou o le vaega asiasi a le FEMA pe o loo galulue foi i le FEMA. So’o se tagata e fai ma sui o le FEMA e tatau ona faaali atu fuainumera e iva o le latou pine faigaluega a le FEMA ma o loo i ai o latou ata e faamaonia ai.
- E le tatau foi i le tagata aafia ona faailoa se faamatalaga e uiga i lana tusi tupe i soo se isi o loo faimai o ia o le tagata faigaluega a le FEMA. E le mafai ona faatagaina se tagata faigaluega a le FEMA e ao maia ni faamaumauga o tusi tupe a tagata.
- Afai e talitonu se tagata o ia o se tagata ua afaina i faiga tau faasese faasolitulafono pe ua tau faavaleaina i tau o ni oloa, e tatau ona ripoti vave i le ofisa o leoleo poo le matagaluega a malu o le malo pe faafesootai foi le California Department of Financial Protection and Innovation i le 866-275-2677 poo le 916-327-7585 pe imeli foi i le ASK.DFPI@dfpi.ca.gov.
- Afai o e masalomia se tagata ua faasolitulafono le faaaoga o le igoa o le isi tagata, asiasi ane i le IdentityTheft.gov.
Mo tala lata mai i galuega faatino a le FEMA ona o le faalavelave na tulai mai ia Ian. 21-23, 2024, i le Itumalo o San Diego i le afa matautia ma lologa, asiasi ane i le www.fema.gov/disaster/4758.
###
O le misiona a le FEMA o le fesoasoani lea I tagata ae lei tupu, taimi ua tupu ai, ma le maea ona tupu o se faalavelave faale natura.
Afai e te talitonu ua solia lau aia tatau, e mafai ona e faafesootai le Civil Rights Resource i le 833-285-7448 (TTY 800-462-7585). O i latou e faaogaina isi fesootaiga faapitoa e aofia le videophone Innocaption poo le CanTel e ao ina faailoa i le FEMA le numera o le latou telefoni o loo sootaga i lea auaunaga. O loo iai tali telefoni e mau gagana o loo avanoa (oomi le 2 mo le gagana Sipaniolo).Mo isi faamatalaga e maua lea i le fema.gov/disaster/4758