ST. PAUL - ပှၤအိၣ်မူတ့ၢ်လၢတၢ်တတၢာ်တနါအဝံၤအဂီၢ်တၢ်မၤစၢၤ (DSA) ကရၢတဖၣ်လၢ FEMA န့ၣ်အခဲအံၤအိၣ်ဝဲလၢ ကမၤစၢၤတၢ်လၢပှၤတဝၢတဖၣ် လၢအဘၣ်ဒိလၢ တၢ်ကိၢ်ခါကလံၤမုၢ်လီၤဒီး ထံဒိၣ်အဂီၢ်န့ၣ်လီၤ. ကရူၢ်တဖၣ် ကမၤစၢၤပှၤအိၣ်ဆိးတဖၣ် ဒ်သိးကဃုဒိးန့ၢ်ဘၣ် ကီၢ်စၢဖှိၣ်ပဒိၣ်အတၢ်မၤစၢၤတၢ်မၤကျဲအဂီၢ်န့ၣ်လီၤ. DSA ကရူၢ်တဖၣ် စးထီၣ်ပာ်စၢၤလၢလံ Cottonwood ဒီး St. Louis ကီၢ်ရ့ၣ်တဖၣ်ဒီး ကသုးဆူတၢ်လီၢ်အဂၤလၢအဘၣ်ဒိတဖၣ် လၢနွံလၢကဟဲတဖၣ်န့ၣ်လီၤ.
DSA အပှၤဘၣ်မူဘၣ်ဒါ လဲၤဟးဆူပှၤတဝၢတဖၣ် လၢတၢ်ပာ်ပနီၣ်အီၤဒ် ကီၢ်စၢဖှိၣ်တၢ်တတၢာ်တနါလီၢ်ကဝီၤတဖၣ် ဒ်သိးကမၤစၢၤဟံၣ်ကစၢ်ဒီးပှၤဒိးလဲဟံၣ်တဖၣ် လၢကပတံထီၣ်တၢ်လၢ FEMA အအိၣ်ဒီး ဃုထံၣ်သ့ၣ်ညါဒီးဘှါဆှဲတၢ်လိၣ်ဘၣ် တကီၢ်ခါဒီးအဟဲအိၣ်ထီၣ်တဖၣ် အဆိအချ့အဂီၢ်န့ၣ်လီၤ. အဝဲသ့ၣ်ဟ့ၣ်စ့ၢ်ကီး တၢ်ပတံထီၣ်တၢ်အိၣ်သးတၢ်ကစီၣ်သီတဖၣ် ဒီးတၢ်ဆှၢခီတဖၣ်ဆူ ပှၤတဝၢတၢ်အိၣ်ယၢၤအဂၤတဖၣ်န့ၣ်လီၤ.
DSA ကရူၢ်တဖၣ် တဃ့ မ့တမ့ၢ် တူၢ်လိာ်ကျိၣ်စ့ဘၣ်ဒီး ထီဘိကထီဃာ် FEMA တၢ်ကွၢ်နီၣ်ကွၢ်ဃါတၢ်ပနီၣ် ဃုာ်ဒီးတၢ်ဂီၤတဘ့ၣ်န့ၣ်လီၤ. FEMA ဆ့ကၤရှၢး, ဆ့ကၤယူာ် မ့တမ့ၢ် ကၠဲးကဲးန့ၣ် တမ့ၢ် တၢ်မ့ၢ်တၢ်အတၢ်အုၣ်သးဘၣ်. ဖဲအဝဲသ့ၣ်မၤစၢၤပှၤ ဒ်သိးကပတံထီၣ်တၢ်အခါ အဝဲသ့ၣ်ကသံကွၢ်နီၢ်ကစၢ်တၢ်ဂ့ၢ်တၢ်ကျိၤ, ဃုာ်ဒီးပှၤဂ့ၢ်ဝီတၢ်ဘံၣ်တၢ်ဘၢနီၣ်ဂံၢ်, တနံၣ်စ့ဟဲနုာ် ဒီးစ့တၢးတၢ်ဂ့ၢ်န့ၣ်လီၤ. ပဟ့ၣ်ဂံၢ်ဟ့ၣ်ဘါပှၤကမျၢၢ်ဖိတဖၣ် ဒ်သိးကသံကွၢ်အတၢ်မ့ၢ်တၢ် တချုးလၢအဟ့ၣ် နီၢ်ကစၢ်တၢ်ဂ့ၢ်တမံၤမံၤန့ၣ်လီၤ. အဝဲသ့ၣ်ကိးလီတဲစိဆူ FEMA တၢ်မၤစၢၤလီတဲစိကျိၤလၢ 800-621-3362 ကပာ်ဂၢၢ်ပာ်ကျၢၤလၢ FEMA တၢ်ဟဲအံၤ ဖိးမံဒီးသဲစးအဂီၢ်န့ၣ်လီၤ.
ဟံၣ်ကစၢ်ဒီးပှၤဒိးလဲဟံၣ်တဖၣ်လၢ Blue Earth, Cook, Cottonwood, Faribault, Freeborn, Goodhue, Itasca, Lake, Le Sueur, Mower, Nicollet, Nobles, St. Louis, Waseca, Jackson, Rice, Rock, Steele ဒီး Watonwan ကီၢ်ရ့ၣ်တဖၣ်လၢ အိၣ်ဒီးတၢ်လီၤမၢ်လၢ တၢ်အုၣ်ကီၤတအိၣ် မ့တမ့ၢ် တၢ်အုၣ်ကီၤစှၤ လၢဘၣ်ထွဲဒီးတၢ်တတၢာ်တနါလၢ လါယူၤ 16 – လါယူၤလံ 4 ကလံၤလုၢ်ဒီးထံလုၢ်ဘၢနးနးကျံးကျံးတဖၣ်န့ၣ် တလိၣ်အိၣ်ခိး DSA ကရူၢ် လၢကပတံထီၣ်တၢ်မၤစၢၤအဂီၢ်ဘၣ်. ကပတံထီၣ်တၢ်အဂီၢ် နုာ်လီၤကွၢ် DisasterAssistance.gov, ဒီလိးဟံးန့ၢ် FEMA လီတဲစိအဲး(ပ) မ့တမ့ၢ်ကိးလီတဲစိဆူ 800-621-3362 တက့ၢ်. နမ့ၢ်စူးကါတၢ်ဆှၢခီတၢ်တိစၢၤမၤစၢၤ ဒ်အမ့ၢ် ဘံၢ်ဒံၢ်အိၣ်တၢ်ဆှၢခီတၢ်တိစၢၤမၤစၢၤ (VRS), ဘံၢ်ဒံၢ်အိၣ်လၢလံာ်ဖျါတၢ်တိစၢၤမၤစၢၤ မ့တမ့ၢ်အဂၤန့ၣ် ဟ့ၣ်လီၤနနီၣ်ဂံၢ်လၢ တၢ်တိစၢၤမၤစၢၤဝဲန့ၣ်အဂီၢ်ဆူ FEMA ဖဲနပတံထီၣ်တၢ်အခါတက့ၢ်.
နမ့ၢ်သးအိၣ်ဒိးန့ၢ်တၢ်ကစီၣ်အဂၤ ဘၣ်ဃးတၢ်မၤစၢၤတၢ်တတၢာ်တနါတၢ်မၤလၢ Minnesota အပူၤအဂီၢ်န့ၣ် နုာ်လီၤကွၢ် www.fema.gov/disaster/4797 တက့ၢ်