I enfotmasion este na pahina ti ha refleflekta I tinilaika gi ayudun chinatsaga para I indibiyuat ni ma deklara gi, pat si no despues di Matsu 22, 2024.
Tungo’ mas pot hafa I guaha na ayudu pa’go.
Individuals and Households Program (IHP) ha pribeniniyi fanansiåt yan direkto na setbisiu siha para I man inifekta ni desgråsia, nai ti man tai siguridat pat sino ti nahong siguridat para man nesesåriu na gåstu siha yan siriosu na nisisidåt siha. I IHP Assistance ti suplimentåt para siguridat yan tisiña u apasiyi para todu minalingu siha ginen I desgråsia. I asistensia ma intendi para u fakcha’ i I nisisidåt-mu siha yan suplimenti I kinalamtin rinikobrin desgråsia siha.
I FEMA ha kumite gui para u pribeniniyi matya na chalan para guinahan rinikobrin desgråsia siha and asistensia. Na tungo I FEMA yanggen hagu pat sino maseha håyi gi hålom guinahan guma-mu gai tinai setbi pat sino nisisidåt linguåhi.
I IHP Assistance siña inkluso:
- Fundo siha para guma temporårio mientras ti sisiña hao sumaga gi guma-mu, tåt kumo asistensian atkilon pat sino linalalun salappi para gåstun hotel siha
- I guma temporårio na påtti, yanggen ma aprueba para desgråsia, yanggen ti siña un usa I asistensian atkilon sa pot ti nahong man guaha na guinahan guma siha
- Fundo siha para sinipottan I rinipeha pat sino tinulaikan I guma man dueniun guma siha nai sumetbi kumo prinsipåt na residensia para I guinahan guma, inklukluso finaposguin chalan dinueniun praibet siha, tåt kumo chalan guma, chalan siha pat sino tellai siha
- Fundo siha para asistensian rinibahan piniligru para u ayuda I man nombråyon na ma gai guma siha para uma ripehan pat sino agun humaksa mås metgot, mås fitme na guma siha
- Fundo siha para otro man tai siguridat pat sino ti nahong siguridat I gåstun desgråsia siha yan siriosu na nisisidåt siha
I Privacy Act ha gagagao I FEMA para u fañuli tinigi na kinonsenti ginen I aplikånte kosa ki u na oppan huyong I rekot asistensia desgrasian-ñiha yan I tetset na pattida. I aplikånte siha nai ma diseha para uma aturisa I FEMA para u na oppan huyong I infotmasion-ñiha para I tetset na pattida debi uma kompli I FEMA FORM FF-104-FY-21-118: Authorization for the Release of Information Under the Privacy Act yan na’ lalu tatti gi FEMA.
Eyak Pot I FEMA IHP na Asistensia
- Eyak mås pot I FEMA Sheltering and Housing Assistance nai siña nombråyon hao para un risibi.
- Komprendi I eneråt na kriterian inombrayon nai nisisita uma fakcha’ i para rinisibin asistensia.
- Eyak pot siudadånu yan ginågao eståo imigrasion siha para benefisiun publikun federåt siha.
- Ribisa I hafa I FEMA ha kokobre na asistensia siha para guinahan guma yan otro nisisidåt siha.
- Eyak taimanu man aplika para asistensia gi online, gi tilifon pat sino gi petsonåt.
Aplikånte siha ni ma nisisita Asistensian Ma Kontinua na Guma Temporårio siña ma rikuesta adisionat asistensia yanggen ma kompli I FEMA Form FF-104-FY-21-115: Application for Continued Temporary Housing Assistance yan na’ lalu tatti gi FEMA kuntodu I supotasion dokumentasion.
Otro Progråman Asistensia Siha
Fuera di guma, I FEMA gai otro siha na progråman Individual Assistance nai man ma desikna para u supotta I man lalalaha’ ginen I desgråsia siha, tåt kumo I Disaster Unemployment Assistance, Crisis Counseling, Disaster Legal Services yan mås.