TÉ KE LAVA ʻO KOLE KI HE TOKONI ʻA E FEMA KAPAU KO HO ʻAPÍ KO HA
VAKA
[https://www.fema.gov/to/press-release/20231027/you-can-apply-fema-assistance-if-your-home-boat]


Release Date: 
October 27, 2023 

HONOLULU – Kapau ko ho nofoʻangá tefitó ko ha vaka pea naʻe
maumau koeʻuhí ko e ngaahi vela vao ʻi he ʻAokosi 8 ʻi
Mauí, ʻe lava ke tokoni atu ʻa e FEMA ke toe maʻu mai ʻa e
niʻihi ʻo e ngaahi mole ko iá. 

ʻOku ʻi ai ha falukunga fakafeʻātungia mavahe ki he nofo ʻi ha
vaká. Ko e Ngaahi ngofua ke nofo-ʻi-vaka mo e totongi tuʻanga,
ngaahi totongi ʻo e taulangá mo e noʻoʻangá ʻa e niʻihi ʻo
e ngaahi fakamole ʻoku makehe ki ha nofoʻanga tuʻumaʻu ʻi ha
vaka. 

Ke maʻu ʻa e tokoni ʻa e FEMA ki ha fakatamakí, kuo pau ké ke
teuteu ke ʻoatu ʻa e tuʻasila fisikale mo kakato ʻo e
noʻoʻangá mo e silipa pe fika ʻo e noʻoʻangá
kapau ʻoku ʻikai noʻo ʻa e vaká ʻi ha feituʻu tāutaha. Ko
e ʻikai ke ʻoatu ha silipa pe fika noʻoʻangá ʻe ala hoko
ai ʻa hono fakapipiki hoʻo kole ki he FEMA ki ha vaka pe ngaahi
vaka kehe ʻi ha tuʻasila tatau. Pea ko e fehalaaki ko ia ‘e lava
ke tupu ai ha ngaahi toloi ki hono ngaueʻi hoʻo kolé. 

ʻIkai ko ia pē, ʻe ʻikai lava ké ke ngāue ʻaki ha puha
pōsiti ʻōfisi ʻi hoʻo tuʻasila tefitó, ka ʻe lava pē ʻo
ngāueʻaki ʻi ho tuʻasila meilí.

ʻOku tapou atu kia kinautolu naʻe hao moʻui ʻi Mauí ke
fakahoko ʻenau kole ki he tokoni ʻa e puleʻangá ki he
fakatamakí ʻo ngata ki he TUʻAPULELULU, NŌVEMA. 9, ʻo kapau ko
ho nofoʻanga tefitó ko ha vaka. Ko e ngaahi founga ʻeni ke
fakahoko ʻaki hoʻo kolé: 

	* Vakai ki he DisasterAssistance.gov
[https://urldefense.us/v3/__http:/www.DisasterAssistance.gov__;!!BClRuOV5cvtbuNI!V9qeEBYrSNZdnN1w1BSQaAnDtEznFBy6nbCyjLlwEVgoobGfHobimOjzCseDAmd-rAAVxALAdw$]
	* Ngāue ʻaki ʻa e FEMA mobile app
[https://www.fema.gov/about/news-multimedia/mobile-app-text-messages]
	* Telefoni ki he LAINE MAʻUʻANGA TOKONI ʻA E FEMA ʻi he
800-621-3362. Kapau té ke ngāue ʻaki ʻa e ngāue
fakatonulea ʻi he vitiō, ngāue telefoni maʻá e tulí pe ha
ngaahi ngāue kehe, ʻoatu hoʻo fika telefoní ki he FEMA ki he
ngāue ko iá ʻi he taimi té ke tohi kole aí. 'Oku 'atā 'a e kau
tali telefoni 'i he laine ma'u'anga tokoni meí he 1 PONGPONGI TO 8
EFIAFI, ʻAHO ʻE FITU ʻI HE UIKE, pea ʻokú nau lea ʻi he
ngaahi lea fakafonua lahi. Lomi ʻa e 2 ki he faka-Sipēnisí.
Lomi ʻa e 3 ki ha taha fakatonulea ʻoku lea ʻi hoʻo lea
fakafonuá.
	* Ki ha vitiō Lea Talanoa Tuhutuhu faka-ʻAmeliká ki he founga ke
fakahoko ʻaki ʻa e kolé, vakai ki
he https://www.youtube.com/watch?v=LU7wzRjByhI&list=PL720Kw_OojlKOhtKG7HM_0n_kEawus6FC&index=6
	* Té ke lava foki ʻo ʻaʻahi ki ha Senitā Fakaakeake meí he
Fakatamakí ke maʻu ʻa e ngaahi tali ki hoʻo fehuʻí. Kumi ha
senitā ʻi he: DRC Locator (fema.gov)
[https://egateway.fema.gov/ESF6/DRCLocator]

Ki he fakamatala fakamuimui taha fekauʻaki mo e ngaahi ngāue
fakaakeake meí he vela vao ʻi Mauí, vakai ki he mauicounty.gov
[https://www.mauicounty.gov/], mauirecovers.org
[https://www.mauirecovers.org/] mo e fema.gov/disaster/4724.
[https://www.fema.gov/disaster/4724] Muimuiʻi ʻa e FEMA ʻi he
mītia sōsialé: @FEMARegion9 [https://twitter.com/femaregion9] mo
e facebook.com/fema [http://www.facebook.com/fema]. Té ke lava
foki ʻo maʻu ʻa e fakamatala tokoni ki he fakatamakí mo hiki
tatau meí he ʻinitanetí ʻa e ngaahi tohi kolé ʻi
he sba.gov/hawaii-wildfires [https://www.sba.gov/hawaii-wildfires].