HONOLULU – Makatu'unga mei ha kole mei he siteiti 'o Hawaiʻi, ne tali 'e he Federal Emergency Management Agency (Potungāue Fakafofonga ki hono Tokangaekina 'o e Fakatamakí, FEMA) ke fakalōlōa 'a e Individuals and Households Program (Polokalama Kiate Kinautolu Fakataūtahá mo e Ngaahi Fāmilí, IHP), kau ai 'a e Financial Assistance and Direct Temporary Housing Assistance (Tokoni Fakapa'anga mo e Tokoni Fakahangatonu Fakanofo'anga Fakataimi) kiate kinautolu ne nau hao mo'ui mei he vela lahi ko ia 'i Maui.
Ko e tokoni 'a e FEMA IHP ne mu'aki fokotu'u ko ia ke mahina 'e 18 ko ia hono lōlōá ke toki 'osi ki Fepueli 10, 2025 kuo fakalōlōa ia ke toki 'osi ki Feb. 10, 2026.
'I he malumalu 'o e Lao Robert T. Stafford ki he Tokoni ki he Fakatamakí mo e Tokoni ki he Fakatamaki Fakafokifā, 'e ala lava ke toe fakalōlōa 'a e vaha'a taimi 'o e tokoní koe'uhí ko e māfatukituki 'o e tūkunga 'o e me'a ne hokó. Ne fakahoko he vela lahi 'o e ta'u kuo'osí ha maumau lahi faufaua ki Lahaina pea uesia ai 'a e 'ū 'api tokolahi, ngaahi pisinisi, 'ū koumiunití pea moe ngaahi langa fakalakalaka kehekehe 'i Maui.
'Oku fengāue'aki vāofi 'a e FEMA pea mo e siteiti 'o Hawai'i, kau 'ōfisiale fakalotofonua pea mo e kaungāue'ofá ke tokoni'i 'a kinautolu ne nau hao mo'ui ki ha'anau nofo'anga pea mo ma'u ha ngaahi founga 'oku tolonga ange. 'Oku toe tuku atu foki 'e he kau pule 'o e ngaahi keisi ki he ngaahi fakatu'utāmakí ha ngaahi tokoni fakataautaha.
Ne tali 'e he FEMA 'a e Lisi Hangatonú ko ha Tokoni Fakataimi ki he Nofo'angá 'i Sepitema 2023 pea 'oku lolotonga 'i he 1,194 'a e ngaahi fāmili 'oku nau nofo 'i he ngaahi 'iuniti 'oku tuku atu 'e he FEMA.
Lolotonga e vaha'ataimi 'oku fakalōlōa atú, 'oku feima'u kinautolu ne nau hao mo'ui 'oku nau nofo 'i he ngaahi 'api fakataimi 'a e FEMA ke nau ngāue ki hano palani'i ha'anau 'api nofo'anga tu'uma'u pea mo kamata totongi honau falé, fakamakatu'unga 'i he'enau ivi fakapa'angá. Ko e mahu'inga 'o e totongi falé 'e fakamakatu'unga 'i he U.S. Department of Housing and Urban Development (Potungāue 'a 'Amelika ki he Fale Nofo'anga pea mo e Ngaahi Langa Fakalakalaka 'o e Fakakoló, HUD) Totongi Fale Totonu Fakatatau ki he Māketí.
'E tuku atu 'e he FEMA ha fanongonongo kimu'a 'i he taimi 'e fiema'u ai ke fakahoko 'a e totongi fale.
Ko kinautolu 'oku nau tuku mai 'a 'enau ngaahi me'a fakapepa 'o 'enau pa'anga hū mai 'oku fenāpasi pe 'i lalo 'i he līmiti ma'ulalo 'aupito 'a e HUD 'e lava 'o fakasi'isi'i 'a 'enau totongi fale 'aki e $50 he māhina ta'e toe fai ha tohi tangi pea mo fakahū ha me'a fakapeka ki he ngaahi fakamole kimu'a pe hili 'a e fakatamaki.
Ko kinautolu 'oku nau nofo 'i ha 'api 'oku ma'olunga 'enau pa'anga hū mai 'i he līmiti ma'ulalo 'aupito 'a e HUD 'oku fiema'u ke nau 'omi pe 'a e me'afakapepa ki he ngaahi fakamole ki he nofo'angá hili 'a e fakatamakí ki he FEMA ke nau sio faka'auliliki ki he lahi 'o e totongi falé ke tohimo'ua atu 'o fakamakatu'unga 'i he'enau ivi fakapa'angá.
'E fakahoko 'e he FEMA ha ngāue ki tu'a ke tokonia 'a kinautolu 'oku nau nofo 'i he fanga ki'i 'iuniti fakataimí mo ha me'a fakapepa tonu ke vakai'i faka'auliliki 'aki 'a 'enau ala lava 'o totongí. Ko e ngāue ko ení 'oku fokotu'u ia ke fakasi'isi'i ha toe feinga 'a kinautolu ni ke fai ha tohi tangi ki he mahu'inga 'o e totongi fale 'oku 'oange 'e he FEMA.
Ki ha toe fakaikiiki ange fekau'aki mo e nofo'anga fakataimí, telefoni ki he Individual Assistance Housing Hotline (Laine Hangatonu ki he Tokoni Fakatāutaha Ki he Nofo'anga) 'i he 808-784-1600. Pe fetu'utaki ki he 2-1-1 ke fakahoko koe ki polokalama tokoangaekina 'o e 'ū keisi ki he 'ū fakatamakí.
'E ala lava ké ke telefoni ki he Laine Hangatonu 'a e FEMA 'i he 800-621-3362. 'E malava 'a e kaungāue 'o e 'enau laine hangatonú 'o tokoni'i koe 'i he ngaahi lea fakafonua kehekehe. 'Okapau 'oku ke ngāue'aki 'a e sēvesi fakatonulea mo e liliu lea hangē ko e Video Relay Service (Sēvesi Fakatonulea mo e Liliu Lea), sēvesi telefoni hiki lea ki he kau tuli/uesia e fanongo, 'ave ki he FEMA 'a ho'o fika telefoni ki he sēvesi ni 'i ho'o tohi kole ki ai.
'E malava ké ke a'utonu ki ha tokoni 'i he:
Lahaina Gateway (ofi ki he Ace Hardware)
'Maui County Office of Recovery - West Maui ('Ōfisi 'a e Kaunitī Maui ki he Tokoni - Fakahihifo 'o Maui)
8 a.m. - 4:30 p.m.
'Ōfisi CNHA (ofi ki he Maui Mall)
Kākoʻo Relief & Aid Services Center (Senitā Sēvesi Tokoni & Tokoni Kako'o)
153 E. Kamehameha Ave. Suite 101
Kahului, HI 96732
9 a.m. - 5 p.m.
Ki he ngaahi fakamatala fakamuimui ki he ngāue tokoni, 'a'ahi ki he mauicounty.gov, mauirecovers.org, fema.gov/disaster/4724 mo e Hawaii Wildfires - YouTube. Muimui'i 'a e FEMA he mītia fakasōsialé: @FEMARegion9 mo e facebook.com/fema. 'Oku toe malava ké ke ma'u ha fakamatala fekau'aki mo e fakatamakí mo taunilouti 'a e ngaahi foomu kolé 'i he sba.gov/hawaii-wildfires.