‘Oku faingamalie kiate kinautolu ‘oku taau ki he Tokoni Leni (Rental) ‘a e FEMA he Vahenga San Diego ki he kau leni mo e ‘ouna ‘api na’e ‘ikai malava ke nau nofo ho nau ‘api ko e tupu mei he maumau ‘o e matangi malohi mo e tafea ‘i Sanuali 21-23, 2024. Tanaki atu, mahalo te nau lava ‘o toe faingamalie ki ha hoko atu ‘a e Tokoni Leni.
Ko e Ha ‘a e Tokoni Leni?
Ko e tokoni leni ‘a e FEMA ‘oku fakataimi pe ‘a e pa’anga ‘ofa ke totongi ha fetu’u ke ke nofo ai lolotonga ‘oku fakalelei’i pe toe langa ho ‘api. Ki he kau Leni, mahalo ko ha me’a lelei ia ‘i he lolotonga ‘oku fakalelei’i ho ‘api nofo’anga pe ko ha toe kumi ha feitu’u fo’ou ke nofo leni ai.
Ko e Ha ‘A e Me’a ‘Oku Totongi He Tokoni Leni?
- ‘Oku totongi he Tokoni Leni ha nofo’anga fakataimi lolotonga ‘a e taimi ‘oku ‘ikai te ke lava ‘o nofo ai ho ‘api.
- Ko e pa’anga Totongi Leni ‘oku faka’aonga’i ke malu’i ‘aki ha tipositi, leni mo e totongi ki he ‘iutiliti hange ko e ‘uhila, kasa mo e vai.
- ‘E lava ke faka’aonga’i ‘a e Tokoni Leni ki ha nofo hotele taimi nounou lolotonga ko ia oku ke kei kumi ha feitu’u ke leni.
- ‘Oku tapu ke faka’aonga’i ‘a e Tokoni Leni ke totongi ‘aki ha keipolo pe ‘initaneti.
Ko e ha ‘a e fuoloa ‘e lava ai he tokoni leni ‘o tokoni’i au?
- Ko e ‘uluaki totongi pa’anga ‘ofa ki ha mahina ‘e taha pe ua pea makatu’unga pe he keisi ko ia.
- Te ke lava ‘o kole ke fakaloloa ha mahina-tolu pea a’u ki ha mahina ‘e 18 fakakatoa ‘aki ha’o telefoni ki he Tokonilaine ‘a e FEMA he 800-621-3362.
Ko e ha teu fai ‘o ka tu’u kovi hoku ‘api, ‘ikai ma’a pea ‘ikai lava ke nofo’i pea ‘oku fiema’u ha feitu’u ke u ‘alu ‘o nofo ai?
- Faile ha keleimi mo ho kautaha ‘inisiua.
- Ko ho kautaha ‘Inisiua Tafea, ‘Ouna ‘api pe Leni te nau ‘oatu ha tohi fakalelei’i (settlement) pea ‘oku feima’u ke ke ‘ave ia ki he FEMA.
- Mahalo ‘e ki’i taimi pea toki ma’u ‘a e tohi ko ‘eni, ko ia ai ke ke faile ho keleimi ‘inisiua he vave taha.
- Talanoa mo e kau fakafofonga mei he ‘inisiua pe ko ha vakai’i ho polosii pe ‘oku kau ai ha Toe Fakamole Totongi Nofo’anga (Additional Living Expenses) ‘e lava ai ke totongi ha nofo’anga fakataimi.
- Fakafonu ha tohi kole tokoni ‘a e FEMA he vave taha.
- Te ke lava ‘o fakafonu ‘a e tohi kole he ‘initaneti DisasterAssistance.gov, faka’aonga’i ‘a e FEMA mobile app pe telefoni ki he Tokonilaine ‘a e FEMA Helpline he 800-621-3362. ‘Oku faingamalie ‘a e kau ngaue fakatonu lea mei he 7 a.m. ki he 10 p.m. PT faka’aho.
- Fakahu ho tohi fakalelei’i mo e ‘inisiua he vave taha ki he FEMA ke nau vakai’i.
- ‘O kapau ‘oku ‘ikai kau ha toe fakamole totongi nofo’anga ho polosii, pe ko ha ‘osi faka’aonga’i ‘e koe ia ‘a e fakamole ko ia pea ‘oku ‘ikai te ke kei lava ‘o nofo ho ‘api, mahalo te ke taau ke ma’u ‘a e Tokoni Leni ‘a e FEMA.
- Hanga ‘o hiki ‘a e founga ‘oku ke faka’aonga’i ‘a e pa’anga tokoni.
- Tauhi katoa ‘a e tatau ‘o e fakamole (receipt) ki ha ta’u ‘e tolu ke ‘asi ‘a e founga ho fakamole ‘a e pa’anga FEMA.
- ‘O kapau na’e ‘ikai faka’aonga’i ‘a e pa’anga ‘ofa ‘o fakatatau mo e fakahinohino ‘a e FEMA he tohi tali, mahalo te ke toe totongi fakafoki ‘a e pa’anga ko ia pea ‘e lava ke mole ho faingamalie ki ha toe tokoni mei he fetulolo.
- ‘Oku tapu ki he FEMA ke nau toe ‘atu ha penefiti tatau mo ha toe ma’u’anga tokoni ki ha mole tatau na’e hoko.
Ko e ha ‘a e Hoko Atu Tokoni Leni?
Tokoni Leni ko e ‘uluaki pa’anga tokoni fakataimi ki ha mahina 1-2 ki he kau ‘ouna ‘api mo e kau leni ke totongi ha feitu’u ke nau nofo ai lolotonga ‘oku fakalelei’i pe toe langa ho nau ‘api. ‘I he ‘osi ‘a e ‘uluaki mahina 1-2, te ke lava ‘o fai ha tohi kole ke hoko atu Totongi Leni pea lava ke hoko atu ‘a e Tokoni Leni ha mahina-tolu pea a’u ‘o mahina 18 fakakatoa.
‘Oku ou taau nai ki he hoko atu Totongi Leni?
‘O kapau ‘oku ke taau ki he fakafonu tohi kole ki he hoko atu Tokoni Leni, kuo pau ke ke maa’usia ‘a e ngaahi tu’unga ko ‘eni:
- ‘Oku mau ‘oatu ‘a e ‘uluaki pale ‘o e Tokoni Leni pea ke faka’aonga’i ia ke tokoni atu ki ho leni mo e ngaahi fakamole ‘oku fiema’u ki he ‘iutiliti.
- ‘Oku ‘ikai te ke lava ‘o toe foki ki ho ‘api he tu’unga na’e ‘uluaki ‘i ai koe’uhi he ‘oku ‘ikai lava ke nofo’i, ‘ikai lava ke alu ki ai, pea ‘oku ‘ikai faingamalie ko e tupu mei he fakatamaki na’e hoko.
- Fakaha mai ha fiema’u fakapa’anga ko e tupu mei he fakatamaki.
- Fakaha mai ‘oku ke fa’ufa’u ha palani taimi loloa pe ko ha nofo’anga pau pe ko ha fakalakalaka ho’o feinga ki ai. ‘O hange, ko ha fakafuofua ‘o ha konitulekita ki ha ngaue pe ko e tu’unga ‘oku ‘i ai ‘a e ngaue.
Ko e ha ‘a e founga te u fakafonu ai ha tohi kole ki he Tokoni Leni?
- Fakafonu ha tohi kole.
- ‘O kapau ko ha ‘ouna koe ‘o e ‘api pea ko ho mole ‘oku tatau pe lahi hake he pa’anga na’e tali ki he ‘uluaki Tokoni Leni, ko e tohi kole ke hoko atu ‘a e Tokoni Leni ‘e ‘oatu ia ‘otometiki pe, mahalo ha uike ‘e ua he ‘osi ‘a e ‘uluaki Tokoni Leni na’e tali mo ‘oatu.
- ‘O kapau ‘oku ke leni, kuo pau ke ke fetu’utaki ki he FEMA pea ‘eke ange ha tohi kole ke fakafonu ke hoko atu ‘a e Tokoni Leni ‘aki ha’o telefoni ki he Tokonilaine FEMA he 800-621-3362 7 a.m. ki he 10 p.m. PT faka’aho.
- Fakahu mai ho tohi kole ki he FEMA.
- Fakafonu ‘a e tohi kole ‘o kau ai ‘a e ngaahi tohi ‘oku fiema’u. (Sio ki he Ngaahi Fehu’i Angamaheni (FAQ) ‘i lalo ‘oku hiki ai ‘a e ngaahi tohi ‘oku fiema’u)
- Fakafoki mai ho tohi kole ki he FEMA ‘i ha taha ‘o e ngaahi founga ko ‘eni:
- ‘O hake (upload) ki he ki ho ‘akauni fakatamaki he DisasterAssistance.gov.
- Meili ki he FEMA, PO Box 10055, Hyattsville, MD 20782-8055.
- Fax ki he FEMA he 1-800-827-8112
Ko e ha ‘a e ngaahi tohi ‘oku fiema’u ke fakahu fakataha mo ‘e ku tohi kole ke hoko atu Tokoni Leni?
‘Oku tonu ke ke fakahu fakataha mai ‘a e ngaahi tohini mo ho tohi kole:
- Ko e pa’anga hu mai (income) kimu’a pea mo e ‘osi ‘a e Fakatamaki ki he kau memipa ho ‘api nofo’anga ta’u 18 pe lahi ai.
- Ko ha fakamo’oni ki he totongi ‘o e ‘api kimu’a he fakatamaki. Hange ko e, tohi tatau ‘o ha lisi (lease) mo e mo’ua ‘iutiliti, ‘inisiua leni, tohi totongi mokesi (mortgage), totongi tukuhau ‘o e ‘api, ‘inisiua ‘o e ‘api, mo e me’a pehe.
- Ko ha fakamo’oni ki he totongi ‘o e ‘api he ‘osi ‘a e fakatamaki ‘o hange ko ha tatau ‘o e lisi (lease) lolotonga pe ko ha tohi aleapau ‘o e leni na’a ke fakamo’oni mo e ‘ouna.
- Ko ha tatau ‘o e ngaahi tohi fakamole ‘o fekau’aki mo e ‘api.
Ko fe ‘a e feitu’u ke ‘ave ki ai ‘eku tohi kole?
Ko foomu ho tohi kole mo e ngaahi tohi fakaongoongo lelei ‘oku tonu fakafoki ki he FEMA ‘i he taha ‘o e ngaahi founga ko ‘eni:
- ‘O hake (upload) ki he ki ho ‘akauni fakatamaki he DisasterAssistance.gov.
- Meili ki he FEMA, PO Box 10055, Hyattsville, MD 20782-8055.
- Fax ki he FEMA he 1-800-827-8112
Ko e haa ha me’a ‘e lava ke ta’ofi ai au mei he hoko atu ‘a e Tokoni Leni?
- Kuo pau ke ke kole ke hoko atu ‘a e Tokoni Leni ‘i loto he mahina 18 mei he ‘aho na’e talaatu ai.
- ‘O kapau na’e ‘ikai te ke fakahu mai ‘a e ngaahi tohi ke ‘asi ai na’a ke faka’aonga’i katoa ho pa’anga Tokoni Leni, ko ho ‘uluaki pa’anga hoko atu Tokoni Leni ‘e holoki mei he me’a na’e toe mei he ‘uluaki Tokoni Leni.
- Ko kinautolu na’e ‘ikai ke nau nofo he ngaahi nofo’anga anga maheni ‘oku ‘ikai ke nau taau ki he hoko atu Tokoni Leni.
‘Oku makatu’unga nai ‘a e hoko atu Tokoni Leni ‘i he ‘eku pa’anga hu mai (income)?
- ‘Oku makatu’unga ‘a e hoko atu Tokoni Leni he ngaahi fiema’u na’e ‘ikai a’usia mei he fakatamaki. Pa’anga hu mai mo e mahu’inga ‘o e totongi leni ‘oku faka’aonga’i pe ‘oku ke taau ki ai.
‘Oku makatu’unga nai ‘a e hoko atu Tokoni Leni mei he me’a na’u totongi leni kimu’a he fakatamaki?
- ‘O kapau na’e ‘ilo ‘oku ke taau, ‘e totongi he FEMA ‘a e Mahu’inga Maketi ‘oku Fea (Fair Market Rate (FMR)) fakataha mo e totongi ‘iutiliti, taki mahina ‘e tolu ‘o a’u ki ha mahina 18 mei he ‘aho na’e talaatu ai.
- Hange ko ‘eni, ‘o kapau na’a ke totongi $1,000 ki ho leni kimu’a he fakatamaki pea ko e taimini ‘oku totongi FMR ‘o e $2,500 ki he leni pea lolotonga ko ia ‘oku fakalelei’i ho ‘api, ‘E totongi kakato he FEMA ‘a e hoko atu Tokoni Leni ‘o e $2,500.
- ‘E kei totongi kakato he FEMA ‘a e hoko atu Tokoni Leni (‘oku makatu’unga he Mahu’inga Maketi ‘oku Fea) fakataha mo e totongi ‘iutiliti.
- Hange ko ‘eni, ‘o kapau na’a ke totongi $1,000 ki ho leni kimu’a he fakatamaki pea ko e taimini ‘oku totongi FMR ‘o e $2,500 ki he leni pea lolotonga ko ia ‘oku fakalelei’i ho ‘api, ‘E totongi kakato he FEMA ‘a e hoko atu Tokoni Leni ‘o e $2,500.
Ke ma’u ‘a e fakamatala fakamuimui ki he FEMA ‘i Sanuali 21-23, 2024, Vahenga San Diego matangi malohi mo e tafea, ‘a’ahi ki he www.fema.gov/disaster/4758.
###
Ko e misiona ‘a e FEMA ke tokoni ki he kakai kimu’a, lolotonga mo e ‘osi ‘a e fakatamaki.
Ko e ngaahi tokoni fakatamaki katoa ‘a e FEMA ‘e fakahoko atu ia ‘o ‘ikai ha laulanu ki ha matakali, lanu, fa’unga tangata (kau ai mo e fakahoha’asi fakasekisuale), tu’unga fakasekisuale, lotu, fonua ‘o e tupu’anga, ta’u, tisapiliti, ‘ikai poto he lea Fakapalangi, pe ko ha tu’unga faka’ekanomika. ‘O kapau ‘oku ke tui na’e maumau’i ho ngaahi totonu fakasivile, te ke lava ‘o telefoni ki he Ma’u’anga Totonu Sivile he 833-285-7448 (TTY 800-462-7585). Ko kinautolu ‘oku nau faka’aonga’i ‘a e ngaue fakafou ‘o hange ko ha vitio telefoni, InnoCaption pe CapTel ‘oku tonu ke ‘ilo he FEMA ‘e nau fika totonu ki he sevesi ko ia. ‘Oku faingamalie ‘a e kau fakatonulea he lea kehekehe (lomi’i 2 ki he Sipenisi)