TULONG SA KALINISAN
[https://www.fema.gov/tl/fact-sheet/clean-and-sanitize-assistance-hurricane-idalia]


Release Date: 
Sep 4, 2023 

Kung ang iyong bahay ay nasira ng Bagyong Idalia ngunit kaya mong
tumira doon nang ligtas, maaaring makabigay ang FEMA ng hanggang $300
sa isang-beses na tulong pinansyal para makatulong sa paglilinis.
Itong tulong ay para sa mga kwalipikadong may-ari ng bahay at umuupa.

Maaari kang maging karapat-dapat para sa tulong ng FEMA kung matugunan
mo sumusunod na pamantayan: 

	* Ang iyong pangunahing bahay na pre-disaster (bago ng sakuna) ay
dapat nasa county ng Citrus, Columbia, Dixie, Gilchrist, Hamilton,
Hernando, Jefferson, Lafayette, Levy, Madison, Pasco, Pinellas,
Suwannee o Taylor.

	* Ang isang inspeksyon ng FEMA ay magpapatunay na ang iyong bahay ay
may pagkasira na dinulot ng sakuna; o kung ikaw ay isang umuupa,
naintindihan ng inspeksyon na ang aksyon sa paglilinis ay
kinakailangan o naumpisahan na.

	* Kung ikaw ay nakapaglinis na, itago ang iyong mga resibo para sa
mga gamit, materyales o binayarang tulong.

	* Ang pagkasira ay hindi sakop ng iyong seguro.
	* Tiniyak ng FEMA na ang iyong pangunahing tirahan na nasira ng
sakuna ay ligtas na tirhan.
	* Ang mga nakaligtas na nag-apply sa FEMA ay maaari ring maging
kwalipikado para sa karagdagang uri ng pederal na tulong lampas ng
Clean and Sanitize Assistance (Tulong sa Paglilinis).

PAANO MAG-APPLY PARA SA TULONG NG FEMA

Marami ang paraan para mag-apply: Mag-online sa DisasterAssistance.gov
[https://www.disasterassistance.gov/], i-download ang FEMA App
[https://www.fema.gov/about/news-multimedia/mobile-products] para sa
aparatong mobile, o tumawag ng libreng-toll sa 800-621-3362. Bukas ang
linya araw-araw mula 7 n.u. hanggang 11 n.g. Oras sa Silangan ng
Estados Unidos. Makukuha ang tulong sa karamihan ng mga wika. Para
makapanood ng magagamit na bidyo kung paano mag-apply, bumisita sa
Tatlong Paraan Mag-rehistro para sa Tulong sa Sakuna ng FEMA - YouTube
[https://www.youtube.com/watch?v=LU7wzRjByhI].