TATLONG LINGGO NA LANG AT DEADLINE NA NG APLIKASYON PARA SA TULONG SA
SAKUNA NG FEMA
[https://www.fema.gov/tl/press-release/20221222/fema-disaster-assistance-application-deadline-three-weeks-away]


Release Date: 
December 22, 2022 

BRANDON, FLA. - Mahigit 900,000 pamilya ang nag-apply para sa pederal
na tulong sa sakuna, pero tatlong linggo na lang ang natitira para
makapag-apply para sa mga pinsalang dulot ng Bagyong Ian.  Ang mga
nakaligtas na naninirahan sa isa sa 26 na county na itinalaga para sa
pederal na tulong sa sakuna
[https://www.fema.gov/disaster/4673/designated-areas] para sa Bagyong
Ian ay hinihikayat na mag-apply.

Kailangang magsumite ng mga may-ari ng bahay, nangungupahan, at
may-ari ng negosyo ng kanilang aplikasyon sa Ene. 12 para
maisaalang-alang para sa tulong sa sakuna sa ilalim ng Programa sa mga
Indibidwal at Pamilya. Dapat mag-apply ang mga nakaligtas sa FEMA
kahit may insurance sila. Maaaring magbigay ng tulong ang FEMA sa mga
kuwalipikadong nakaligtas na walang insurance sa sakuna.

Ang mga naapektuhan ng Bagyong Ian at may insurance ay hinihikayat na
mag-file muna ng claim para makuha ang insurace nila para sa pinsalang
nagawa ng bagyo sa bahay nila, sasakyan, at negosyo bago sila
mag-apply sa tulong ng FEMA. Puwedeng mag-apply ang mga nakaligtas sa
FEMA online sa www.DisasterAssistance.gov/
[http://www.disasterassistance.gov/] o tumawag sa 800-621-3362.
Tumatanggap araw-araw ng libreng tawag ang numerong ito na may mga
operator na iba't iba ang wika, 7 a.m. hanggang 11 p.m. ET. Puwede
ring magparehistro ang mga nakaligtas sa anumang Disaster Recovery
Center (DRC, Sentro ng Pagbangon Mula sa Sakuna) sa lahat ng
napinsalang county sa buong Florida. Para mahanap ang pinakamalapit na
lokasyon, magpunta online sa: DRC Locator.
[https://egateway.fema.gov/ESF6/DRCLocator]

Ang deadline sa Ene. 12 ay para din sa mga aplikasyon ng utang na may
mababang interes para sa sakuna mula sa Small Business Administration
(SBA, Administrasyon ng Maliliit na Negosyo) ng U.S. Ang SBA ang
pangunahing pinagkukunan ng pera ng pederal na gobyerno para sa
pag-aayos ng mga pribadong ari-arian na napinsala ng sakuna.
Tinutulungan ng SBA kahit gaano kalaki ang negosyo, ang mga pribadong
nonprofit na mga organisasyon, may-ari ng bahay, at pondo sa pag-aayos
ng mga nangungupahan at gumagastos sa pagpapalit ng mga nawala o
personal na ari-ariang nasira ng sakuna.

Ang Tulong sa Bahay at Tulong Iba Pang Pangangailangan ng FEMA ng
grant para sa gastos sa medikal, dental, at libing ay hindi na
nangangailangan ng aplikasyon ng indibidwal sa utang sa SBA. Pero ang
mga aplikanteng ipinasa sa SBA ay dapat na magkumpleto at magsumite ng
aplikasyon ng utang sa SBA para isaalang-alang sa karagdagang tulong
sa sakuna. Maaaring ibalik sa FEMA ang mga aplikanteng hindi
kuwalipikadong umutang sa SBA para maisaalang-alang sa Tulong sa Iba
Pang Pangangailangan. Ang numero ng Customer Service Center ng Sakuna
ng SBA ay 800-659-2955. Matutulungan ka rin kung magpapadala ka ng
email sa: disastercustomerservice@sba.gov o bumisita sa www.sba.gov
[https://www.fema.gov///C:/Users/emcknigh/AppData/Local/Microsoft/Windows/INetCache/Content.Outlook/8UV117XQ/www.sba.gov]
Ang mga nakaligtas ay puwedeng mag-apply online sa secure website ng
SBA: disasterloan.sba.gov/ela/ [http://www.disasterloan.sba.gov/ela].

Ang mga negosyong hindi pa nakapagsumite ng aplikasyon sa utang para
sa negosyo sa SBA ay puwedeng mag-apply online gamit ang Electronic
Loan Application (ELA, Elektronikong Aplikasyon sa Utang) sa secure
website ng SBA sa disasterloanassistance.sba.gov/ela/s/
[https://disasterloanassistance.sba.gov/ela/s/] sa ilalim ng SBA
declaration #17644.  Puwedeng bumisita ang mga negosyo, may-ari ng
bahay, nangungupahan, at mga non-profit sa Sentro ng Pagbangon ng
Negosyo o Sentro ng Pagbangon sa Sakuna para humingi ng tulong sa
pagsusumite ng aplikasyon o para humiling na muling isaalang-alang ang
desisyon sa utang nila.

Makukuha ang mga impormasyon sa utang dahil sa sakuna at mga form ng
aplikasyon sa Customer Service Center ng SBA sa 800-659-2955 (para sa
mga bingi, nahihirapang makarinig, o may problema sa pagsasalita,
i-dial ang 7-1-1 para ma-access ang mga serbisyo para sa
telecommunications relay) sa mag-email sa
disastercustomerservice@sba.gov.

Ang deadline ng pagpapasa ng aplikasyon para sa pinsala sa pisikal na
ari-arian ay sa Ene. 12, 2023. Ang deadline ng pagpapasa ng aplikasyon
para sa pinsala sa kabuhayan ay sa Hunyo 29, 2023.

Para sa pinakabagong impormasyon sa pagbangon ng Florida mula sa
Bagyong Ian at Nicole, bisitahin ang floridadisaster.org/info
[https://www.floridadisaster.org/info] at fema.gov
[https://www.fema.gov] I-follow ang FEMA Region 4 (@femaregion4) /
Twitter [https://www.twitter.com/femaregion4] at ang facebook.com/fema
[http://www.facebook.com/fema].

_###_