KAILANGAN NG FEMA ANG IYONG KASALUKUYANG IMPORMASYON SA
PAKIKIPAG-UGNAYAN
[https://www.fema.gov/tl/press-release/20201022/fema-can-thong-tin-lien-lac-hien-tai-cua-quy-vi]


Release Date: 
Oktubre 22, 2020 

PENSACOLA, FLA. – Pagkatapos mong magparehistro para sa pederal na
tulong na pansakuna, mahalagang makipag-ugnayan sa iyo ang FEMA.
Tandaan na ang mga tawag mula sa FEMA ay maaaring lumitaw mula sa mga
hindi matukoy na numero ng telepono at tiyakin alam ng FEMA ang iyong
kasalukuyang impormasyon sa pakikipag-ugnayan.

Maaaring kailanganin ng FEMA na tawagan ang ilang nakaligtasa sa
sakuna sa mga county ng Bay, Escambia, Okaloosa, Santa Rosa at Walton
upang magsagawa ng remote na inspeksyon sa tirahan, sa pamamagitan ng
telepono, upang maipagpatuloy ang pagpoproseso ng kanilang impormasyon
para sa tulong pagkatapos ng Bagyong Sally. Maaari ring makipag-ugnay
ang FEMA sa mga nakaligtas sa sakuna upang makakuha ng higit pang
impormasyon para sa kanilang aplikasyon.

Kung mayroong mga pagbabago sa iyong numero ng telepono, kasalukuyang
address, impormasyon ng bangko o insurance, dapat mong ipaalam sa FEMA
o kung hindi ay hindi mo matatanggap ang mahahalagang tawag o
pakikipag-ugnayan.

Maaari mong i-update ang iyong impormasyon sa pakikipag-ugnayan sa
ilang paraan:

 	* Pumunta online sa DisasterAssistance.gov.
[http://www.disasterassistance.gov/]
 	* I-download ang app ng FEMA [https://www.fema.gov/mobile-app] para
sa mga smartphone.
 	* TUMAWAG SA 800-621-3362 (TTY 800-462-7585). Mayroong mga operator
para sa iba’t ibang wika. Ang mga walang bayad na pagtawag ay bukas
mula 7 a.m. hanggang 10 p.m. lokal na oras, ng pitong araw sa isang
linggo. Ang mga gumagamit ng relay na serbisyo gaya ng videophone,
InnoCaption o CapTel ay dapat bigyan ang FEMA ng kanilang partikular
na numero ng telepono na itinalaga sa serbisyong iyon.

ANG ITINAKDANG HULING ARAW NG PAGPAPAREHISTRO SA FEMA AY SA DISYEMBRE
1, 2020.

Kapag tumatawag sa mga aplikante, ang mga espesyalista ng FEMA ay
magkakaroon ng numero ng pagkakakilanlan ng FEMA< numero ng telepono
at address ng nasirang ari-arian ng aplikante. Hindi sila manghihingi
ng pera; walang singil para mag-apply para sa tulong ng FEMA. Kung
para sa iyo ay kahina-hinala ang tumatawag, tumawag sa Helpline ng
FEMA sa 800-621-3362 (TTY 800-462-7585) upang maberipika kung
sinusubukan kang tawagan ng FEMA.

Para sa higit pang impormasyon tungkol sa pagbangon sa Bagyong Sally
sa Florida, bumisita sa webpage hinggil sa sakuna ng FEMA sa
https://www.fema.gov/disaster/4564 o sa webpage ng Florida Division of
Emergency Management Dibisyon sa Pamamahala sa Emerhensiya sa Florida)
sa https://www.floridadisaster.org/info/.