LAHAINA, MAUI – Pwehki tohnwehi en Maui kin mwahula mwuring kisiniei en nansahpw en Oahkohs 8, 2023 kan, FEMA kin sewese tohnwehi kan pohn deke. Ahpw, pwehki uwen aramas me kin anahne sawas tikitikla, FEMA sohlahr pahn peki ah tohndoadoahk kan en kin mih nan wasahn sawas kan nan Suhn 18 ni Council for Native Hawaiian Advancement Kākoʻo Maui Relief & Aid Services Center en Central Maui oh Sulai 3 ni Lahaina Resource Center nan West Maui. Mie mwomwen koasoaiheng FEMA teikan oh se padahkih tohwehi me anahne sawas mwurin kisiniei kan en kin koasoaihengkiht.
Wasahn Sawas Kan Met oh Iahd me re Rintingida
- Kākoʻo Maui Relief & Aid Services Center ni 70 E Kaʻahumanu, Unit D-1 nan Kahului. Ritingida sang 9 ni manseng lel 5 ni mwurin sowas HST Niehd lel Nialem.
- Lahaina Resource Center ni Lahaina Gateway, Unit 102-B (karanih Ace Hardware) ni 325 Keawe St. nan Lahaina. Ritingida sang 8 ni manseng lel 4:30 ni mwurin sowas HST Niehd – Niare oh Niepeng – Nialem oh 8:00 ni manseng lel 12:30 ni sowas oh 1:30 ni sowas – 4:30 ni mwurin sowas HST Niesil.
Wasa koaros, me Council for Native Hawaiian Advancement kin kaunih, pahn kin sewese tohnwehi ni arail anahne en ale mweimwei en pwurehng wiahda ihmw, sawas en kosonned, sawas en diarada ihmw, sawas en pisnes, oh soang en sawas teikan.
Sawas en tohndoadoahk en FEMA tepida nan Oahkohs 16, 2023, oh dadaur sounpwong rieisek ehu mwuri. Nan ansou pwukat, tohnwehi kak koasoaiheng tohndoadoahk en FEMA men pwehn wehwehki arail anahn akan, peki iang ale sawas, ale sawas en kehs kan, oh tuhwong pwihn teikan me kak kin iang sewese.
Tohnwehi kakete kin koasoaiheng FEMA ni arail:
- Kahlih en FEMA ah dengwa en Sawas ni sohte pweipwei ni 800-621-3362 (7 ni manseng lel 10 ni soutik, 7 rahn en ehu ehu wihlk) pwehn ale sawas.
- Koasoiehng arail tohndoadoahk en Recertification/Revocation men oh/de tohndoadoahk en ahpwalih kehs en Disaster men.
- Kihda doaropwe kan nan arail akaund nan internet, kadarala kisin likou nan USPS/mail, de faxih doaropwe kan ni 800-827-8112 (Attn: FEMA).
En FEMA arail Ohpihs en Sewese Tohnwehi Ansou Reirei pahn mihmihte nan Maui pwehn sewese tohnwehi me ahpwahlki kisiniei en nansahpw en Maui kan. Ma emen mih nan ihmw me FEMA koasoandiehr, inenen kesempwhal me aramas menet kin koasoaiheng FEMA ni arail songosong diar ihmw poatoapoat ieu.
Pwehn esehla ire kapw pid sawas mwurin kisiniei en nansahpw en Maui, kilang mauicounty.gov, mauirecovers.org, fema.gov/disaster/4724 oh Hawaii Wildfires - YouTube. Idawehn FEMA nan social media: @FEMARegion9 oh facebook.com/fema. Ke pil kak ale ire kan pid sawas en ansou ahpwahl kan oh downloadih doaropwe en pekipek kan ni sba.gov/hawaii-wildfires.
# # #
Katepen FEMA arail doadoahk en sewese aramas mwohn, nin duwen, oh mwurin ansou ahpwahl kan.