Main Content

Latou e Talosaga mo le Setete ma le FEMA Fesoasoani mo Mala, Faatalitalia se Isi Iloiloga

Release date: 
April 24, 2019
Release Number: 
Samoan NR 002

ANCHORAGE, Alaska – O latou e nonofo i Alaska sa apalai mo le fesoasoani a le fetorale mo mala i le mafui’e o Novema 30 e ono faafesoota’i atu ele sui asiasi a le FEMA ina ia fuafua se iloiloga e faamautinoa o mea ua faaleagaina e fesoota’i atu i le mala. Ona e ese le talosaga mo fesoasoani a le fetorale mai talosaga o le setete, e ono manaomia se iloiloga faaopoopo, e tusa pe ua uma ona auina atu e le setete se tasi e faamautinoa mo le polokalme Fesoasoani ale Setete mo Tagata Ta’ito’atasi.

E ono faafesoota’i atu oe e le FEMA e ala i le telefoni, tesi (text) poo le imeli e faalagolago i faamatalaga e faafesoota’i ai na tuuina atu ina ua e resitala.
Afai ete apalai mo le fesoasoani mo nogatupe (loan) laiti o mala, U.S. Small Business Administration (SBA), o le a fuafua e le sui faamautinoa a le SBA le aofaiga o mea faitino ua faaleagaina o au meatotino ua leaga i le mala.

E masani ona faaalu ai le 20-40 minute. E manao le tagata o faia le iloiloga e vaai i vaega ua faaleagaina o lou fale ma soo se meafale ma au meatotino. Pe a iai ni mea ua faaleagaina i le attic poo le crawlspace, e ao ona e faaavanoa le ala e ui atu ai i na vaega ina ia mafai e le tagata o faia le iloiloga ona su’esu’eina.

O latou o faia le iloiloga a le FEMA o le a iai se faailoga aloaia a le FEMA pine ID e iai le ata. Ile aso o le iloiloga, e mafai ona e fesili i le tagata o faia le iloiloga e faaali atu ia oe lana pine. Afai e musu le tagata o faia le iloiloga e faaali atu lona ata e faamautinoa e mai le FEMA, aua le faatagaina le faia o le iloiloga. O nisi taimi o mala e ō mai ai foi ma le ‘autaufaavale gaoi latou te faamatapotoina manaoga o latou ua sao mai mala.

E tatau ona iai se tagata e 18 tausaga pe matua atu i le taimi o le iloiloga. O le a fesili atu foi le tagata o faia le iloiloga e fia vaai i:

  • Ata e faamaonia ai
  • Faamaoniga o oe e ona/nofo ile fale ua faleagaina (pili o lafoga, totogi o le mokesi, maliega o le mautotogi poo pili o le vai, uila, telefoni)
  • Pepa inisiua (tusi o faai’uga mai le inisiua ma/poo se otootoga o le feagaiga o le inisiua)

Latou e Talosaga mo le Setete ma le FEMA Fesoasoani mo Mala, Faatalitalia se Isi Iloiloga itulau 2

  • Lisi o tagata o loo nonofo ile fale ile taimi o le mala
  • O mea uma ua faaleagaina e feoota’i atu i meatotino moni ma le fanua.
  • E lē fesili atu le tagata o faia le iloiloga mo lau numera o le Saogalemu poo faamatalaga o au teugatupe i le faletupe.

Afai na lē mafai ona ulufale i lou fale ile taimi o le asiasiga, e tatau ona e faailoa atu i le FEMA le taimi e mafai ona uluatu i le fale talosaga atu mo se iloiloga fou. Ina ia faafou tulaga ose fale ua lē toe nofoia e ao ona e telefoni atu i le Laina o Fesoasoani mo Mala (Disaster Assistance Helpline) i le 800-621-3362. Ole taimi lava e toe faafou ai faamatalaga o lou fale ma ua talosagaina se iloiloga fou, ona faafesoota’i loa lea o oe ele tagata e faia le iloiloga a le FEMA e faatulaga se iloiloga.

E uma loa le iloiloga, ona faaaoga loa lea e le FEMA faamatalaga e autalu ai lau mataupu ma lafo atu se tusi ia te oe e faatulaga atu ai le faaiuga. Faitau ma le faaeteete lenei tusi. O le tele o taimi o lou lē agavaa e mafua ona e le’i maua e le FEMA faamatalaga tāua, e pei o faamaoniga o oe o le pule o le fale poo faamaoniga o loo e nofo ai. E 60 aso e mafai ona e apili ai le faa’iuga a le FEMA ua auiliili atu le faiga o le apili i le tusi.

 

 

Last Updated: 
April 24, 2019 - 18:49