Main Content

U.S. Small Business Administration-aamun Apyutkuralriit

Release date: 
April 17, 2019
Release Number: 
Yup'ik FS 004

Apyun:  Ciin wii, yuunginaulua, imirilqa ayagcecimaa Small Business Administration-amun arenqiallugtellratni tamarillret Alaska-mi Nuna pekterpallrani?

Kiun:  Atranek taringecurlagyaqunak.  Apraqatki arenqiallugucet ikayurnaqniluki, SBA-q paivcicituuq​ amllenrilngurmek ilaqatulimek, ak’anun arenqiallugtellret navrautekaitnek enelegnun cali-llu akiliqulralriit uitavimegnek arenqiallugcugyailkutaat amllenrilkan cali-llu business-aanun angtatekenrilngurnun private nonprofit-anun-llu (ulengnaqenrilngurnun-llu).

 

Amlleret imirillret igaucimalriit register-aarumalriit Federal Management Agency-mun imirallrit ayagcecimaut-llu SBA-mun registration-aam nalliini arenqiallugtellriit navraryaraitnun.

Nall’areskuvgu SBA-mi akingutem cuqyutii, imirarkaugaten kalikait utercelluki-llu navraryulriit imirarkait qaunqumaniartuq federal disaster recovery-m caliaqurallra egmiutniartuq.

 

Apyun:  Qaillun tunciqsia imiraqa SBA-m navriutekanun? 

Kiun:  Ullagluki SBA-m calistai business recovery center-aami wall’ allani FEMA-m​ caliviatni-state disaster recovery center-ani arenqiallugtellriit avatiitni.

 

FEMA Disaster Recovery Center-ani

 

 

Community Covenant Church

16123 Artillery Road

Eagle River, AK 99577

Sass’ami:  Pekyutmek-Maqinermun, 9 a.m.-aamek yaavet 7 p.m.-aallranun

Agayunermi, 10 a.m.-aamek yaavet 2 p.m.-aallranun

 

Christ First United Methodist Church

2635 S. Old Knik Rd.

Wasilla, AK 99654

Sass’ami:  Pekyutmek-Maqinermun 9 a.m.-aamek yaavet 7 p.m.-aallranun

Agayunermi, 10 a.m.-aamek Yaavet 2 p.m.-aallranun

 

University of Alaska Annex

University Center Mall

3901 Old Seward Hwy.

Suite 153

Anchorage, AK 99503

Sass’ami: Pekyutmek-Maqinermun, 9 a.m.-aamek  yaavet 7 p.m.-aallranun

Agayunermi, 10 a.m.-aamek yaavet 2 p.m.-aallranun

 

Wani-llu imiriyugngauten computer-aatgun ​http://disasterloan.sba.gov/ela​ wall’ kalikivigkun wavet tuyuqluku:

 

U.S. Small Business Administration

Processing and Disbursement Center

14925 Kingsport Road

Fort Worth, TX  76155

 

Apyun:  Qaillun SBA-m navriutai caliciqa nakmiin enem’a arenqiallugcugyailkutiikun? Kiun:  Utaqayaqunak picirkiuramek tunvailegpegu/ayagcepailegpegu SBA-m arenqiallugtellriit navriutekaita imirarkaa.  SBA-m qaqicugngayuaraa navrun akikilluten-llu​ arenqaillugcugyailkuten picirkiurivailgan.  Navrallerpet cipnera ikegliciquq akurtullrukuvet arenqiallugcugyailkutam picirkiuranek.  SBA-m areqiallugtellrianun navriutait cimiutnguyugngaut tamarillernun akilicimanrilngurnun arenqiallugcugyailkutgun wall’ allakun akitgun.

 

Apyun:  Yuvrinqigciiqaat-qa enek’a?  FEMA-m state-am-llu ak’a yuvrillruat.

Kiun:  A’ang.  SBA-m calistiin piciutaciarciqai cuqnguarluki-llu tamalkuita tamarilten​ arenqiallugutem navgullrukatki cauteten nunavni.

 

Apyun:  Qaillun amllertalriamek navraryugngasia SBA-mek? 

Kiun:  Nakmiin enengqellriit navraryugngaut $200,000​-​aaq tekilluku en’iit kitugnarqekan wall’ napartenqignarqekan. Nakmiin enel’get uitavimegnek-llu akiliciuralriit navraryugngaut $40,000 tekilluku cimirnarqekaata tukutait ilakluki nunakuarcuutet assiirutellret wall’ navgullret arenqiallugutmi. Business-aat angtatekenrilnguut navraryugngaut $2 million-aaq tekilluku​      kitugnarqekaata/cimirnarkeqaata cautait arenqiallugutmi assiirutellret wall’ navgullret.  Small Business-aat imarpigmiutarnek ungungsinek qaunqilriit wall’ imarpigmiutarnek mer’kun/imarpigkun naucilriit cali’ll ulengnaqenrilnguut navraryugngaut ayagturallerkameng akikainek ikayuutekamegnek arenqiallugutem navgullri pitkeluki.  $2 million-aaq​ quyinkacagauluni makunun​atuugarkaugut quyungqalriit navguumalrianun nunamegni caliameng-llu ayagturaallerkaanun.

 

Apyun:  Qaillun ayuqeciqa ciuniunrilkatgu navraryulqa SBA-mek?

Kiun:  Navraryulria ciuniurumanrilkan, FEMA-m Other Needs Assistance program-aaran ikayuryugngayugnarqait, ​makunun aturyuknganun, yuut cautait (i.e., aturat, enemegni cautait aturnarqellriit), upallrita elliviit-llu akilitarkait, cali-llu nunakuarcutaita tumartellrita akikaa. Allat-llu (i.e., kegglat, yukutam kinercissutait) ciuniuryugngait kiputellrukaata wall’u akililluku navrallrukatki en’a uitayunariluku, carrirluku, atuyunariluku-llu nuna pekterrpagaarcelluku.

 

Apyun:  Qaillun ayuqeciqa ciuniuqatgu navraryulqa SBA-mek?

Kiun:  Imirilleq ciuniurumakan SBA-kun, picirkiuraa matum amllenrilngurmek ilaqatulim​  navrautii, amllerikanariyugngauq wall’ ikeglikaniryugngaluni navraun akilitellerkaa allat pinarqellriit cali-llu tumartarkat FEMA-m ikayutekain akilisngailkaki.  

 

Apyun:  Qaillun ayuqecia SBA-m navriutiin navraryulqa ciuniuqatgu, taugaam wii ciuniurpeknaku?

Kiun:  SBA-m navriutii ciuniunrilkuvgu, allanun federal disaster-aam ikayutainun pisciigaciiquten, taugaam allanun avatevni uitalriani ikayuutnun navraryullren ayagcecugngait.

 

Qaillun SBA-kiutengqengraan, imirillret piyugngaciqut allanun FEMA-m Housing Assistance program-aitnun makut ilakluki:

  • Ak’anun Piunrilnguut Enenun Ikayuucet-​ akilitellten uitavignun cimirluki, wall’u akiliteqtaallten enairutlerpeni nuna pekterraartelluku 18-anek iraluurlluku wall’u ikayuutem cuqliutiin quyinra.
  • Tumarciyaram Ikayutii-​ Kaigatet unakek’ngat enemun aturarkaq kitugingnaqluku uterpailgata uitayunariluku, carrirluku, atuyunariluku-llu.
  • Akiq Ikayuun Ena Cimirnarqekan-​ Kaigatet unakek’ngat enemek kipuculriit enellrat navrullrukan nuna pektellrani.

 

Cali-llu, qaillun SBA-q kiutengqengraan, imirillret allanun ikayuutnun piyugngaut muutellerkamun, kegguciurtekanun, paigistenun cali/wall’u tungmagtellrem akikainun aturyugngaluku kina piunrillrukan Alaska-mi nuna pekterpallrani.

Last Updated: 
April 17, 2019 - 19:09