Main Content

Taringellerkaa FEMA Determination-aarpet Igaa

Release date: 
April 17, 2019
Release Number: 
Yup'ik FS 002

Apyun:  FEMA-mek Determination-aama igaa qanrumauq imiralqa-gguq arenqiallugtellriit ikayuutekaitnun “ciuniurumanrituq” wall’u “qaqimanrituq.”  Cayugngasia?

Kiun: Tamarmeng arenqiallugtellriit ikayuutekaitnun imirillret piyunarqucingqertut yuvrinqigcesqelluki, cali-llu caaqameng egmianun kitugiyugngaluku cimirnarqekan “qang’a” “a’ang”-amun.  Naaqenqegcaarluku igaq tamalkuan taringengnaqluku ciin imiiran waten kiumallranek “ciuniurumanrituq” wall’u “qaqimanrituq.”  Paqnakuurluku-taq’lertuutevkenaku-determination-aam igaa.

Apyun:  Yuvrinqigcesqumaaqa determination-aam igaa.  Qaillun piyugngasia?

Kiun:  Tamarmeng yuvrinqigcetaarilriit igatgun piarkaugut.  Igaquvet yuvrinqigcetaarutevnek, qanrutniaten nalqigulluki alangqacianek amllertacian wall’u alangqalriamek ikayuutmek akurtullrukuvet.  Elpet, wall’u igartevet, wall’u enevni uitalriit sign-ararkaugaa igaq.  Igarten nakmiin ilakenrilkuvgu, igakun nalqigtarkaugan taumun igartevnun ikayuryugnganiluten wall’ ikayuryugnganiluci elpet-llu sign-arluku tauna igaq.

Apyun:  Qaillun pinarqa yuvrinqigcetaarutma igaa cali-llu allat yuvrinqigcetaallma kalikait?

Kiun:  Determination-aam igaa, yuvrinqigcetaarutvet-llu igaa allat-llu ikayuutngulriit kalikat kaigaumallret determination-aam igaani Disaster recovery center-aamun agulluki.  Disaster recovery center-aat nanluciit computer-aani wani paivngaut www.fema.gov/disaster/4413 wall’ qayagaurluki FEMA-m ikayurtait wani 800-621-FEMA (3362).

Apyun:  Agessciigatua Disaster recovery center-aamun.  Cali-qa determination-am igaa yuvrinqigcecugngaaqa?

Kiun:  A’ang.  Tuyuqsugngaan kalikivigkun yuvrinqigcetaarutvet igaa cali-llu tamalkuita ikayuutngulriit kalikat wavet:

              FEMA - Individuals and Households Program

              National Processing Service Center

              P.O. Box 10055

              Hyattsville, MD 20782-7055

Fax-aryugngaan-llu yuvrinqigcetaarutvet kalikai wavet 800-827-8112, Attention:  Individuals and Households Program.  Kalikivigkun tuyuqekuvki wall’ fax-aquvki yuvrinqigcetaarutvet kalikai, ilakekiu FEMA registraion number-aan cali-llu disaster number-aara, DR-4413-AK, tamalkuitni kalikarpeni.

Apyun:  E-mail-aryugngaanka-qaa yuvrinqicetaarutma igai FEMA-mun?

Kiun:  Qang’a.  FEMA-m caliaqessciigatai yuvrinqigcetaaruten e-mail-akun, taugaam computer-aakun piyugngaan website-aatgun.  Computer-aatgun yuvrinqigcetaaruten ayagcecukuvgu, uumi piniaran disaster assistance center account-aliluten wani www.DisasterAssistance.gov.  Account-alirraarluten, nutarcugngaan maa’irpak qayagaurcuutvet number-aara wall’u allat cimirnarqellriit nutarrluki, upload-arluki yuvrinqigcetaarutvet kalikai, yuvrirluki-llu FEMA-m igai.  Upload-aquvki pinarqellriit kalikat account-arpenun, yuvrinqigcetaaruten egmian piurciiquq tua-i-llu ellaita yuvriryugngariluku.

Last Updated: 
April 17, 2019 - 19:10