HONOLULU –U.S. Small Business Administration (Doulul eo ej jibañ bejnej jidik ko ilo Amedka) enaj kõbellok juon Jikin Lelok Melele kin Loon ikijen Jorrāān Kauwõtata ilo joñoul ruo awa raelap ilo Tuje, Tijemba 19, ilo Kahului Public Library (Laibrarae eo ebellok ñan aoleb armij ilo Kahului) ñan jibañ armij ro rej jokwe ilo jikin eo im oner in bejnej ko im rekkar ioone jorrāān ko jen kijeek ko relab ilo Okwoj kanne aer ablikajon ñan loon ko ikijen jorrāān kauwõtata.
Jikin eo an opij im im awa ko ekkā an naj bellok enaj einwõt laajrak:
Kahului Public Library
Administration Building
90 School St.
Kahului, HI 96732
Tuje: joñoul ruo awa raelap ñan 7 awa jota
Wenje, Taije, im Jadede: 9 awa jibbon ñan 4 awa raelap
Bolaide: 11 awa jibbon ñan 4 awa raelap
Laibrarae im Jikin Lelok Melele kin Loon ikijen Jorrāān Kauwõtata rej jimor kilõk ilo raan in Jabot im Mande im bareinwõt Raan in Kirijmoj im Nuuiõ. Jikin eo enaj bar kilõk Jabdede, Tijemba 23 im Jadede, Tijemba 30.
Rijerbal ro ilo Jikin Lelok Melele kin Loon eo ikijen Jorrāān Kauwõtata enaj armij ro rej jutak ikijen SBA, im ej jikin eo ej lelok loon ikijen jorrāān kauwõtata edik orlok ñan armij ro rekkar wia em, armij ro rej reen, doulul ko rejab bejnej im aoleb joñan bejnej ko ejellok ak edik aer injuran. Rijerbal ro an FEMA renaj bar bed ilo jikin eo ñan aer uwaake kajjitõk ko ikijen FEMA.
Loon ko ikijen jorrāān kauwõtata an SBA ej kolla wonnen ta ko rejako ak rejorrāān jen kijeek ko relab im injuran ak jikin ko jet rejab kolla wonnen aoleben. Waan joñak, loon ko remaron jerbal ñan bar ekāl imõn jokwe, kõkkāāle mweiuk ko rejako; ekoba wa ko; im kolla wonnen ta ko jet rejako ikijen bejnej einwõt imõn wia ko im wa loon in kalwojoj armij.
Ebar wõr an SBA loon ko rej kolla wonnen jorrāān kauwõtata ñan jibañ bejnej ko kin jāān, jekdoon ejellok jorrāān ilo em ko ak mweiuk ko aer. SBA ejab maron lelok juon loon ilo ien juon bar jikin – injuran ak armij ro rej koba ibben doon im lelok jāān, waan joñak – emõj an lelok jibañ in jāān ñan ejjā aikuj eo ikijen jorrāān kauwõtata.
Jekdoon emõj an mootlok raan eo āliktata an federal ñan kanne ablikajon ñan jorrāān jen kijeek ko relab ak ta ko rejorrāān, armij ro rej jokwe im bejnej ko ilo Hawaiʻi emõj bar lelok 45 raan, mae Taije, Janwode 25, ñan aer lelok ablikajon in loon ko jen SBA kin jorrāān ilo jikin ko rar walok jen kijeek ko relab. Ilo ien eo emõj bar lelok, SBA enaj aikuj juon kõmelele ilo jeje ak kenono ak jabdewõt kein kamool jen armij ro rekkar ioone jorrāān eo ñan ablikajon ko rerumij.
Ro emõj kõtõbrak loon ko aer ikijen jorrāān kauwõtata jen SBA enaj wõr aer ien lok ñan juon iiõ jen raan eo kein kajuon rekkar lelok jāān ñan aer jino lelok kolla. Orlok eo ej jiro bõjjāān ilo ien in emõj karumij aer kolla. Orlok eo enaj jino bõnõbõn ilo ien aikuj etal kolla. Ejellok bakkin kin kolla moktalok, im armij ro rej baro remaron jino lelok kolla ilo ien eo emõj karumij aer kolla.
Armij ro rekkar ioon jorrāān kauwõtata remaron kanne aer peba in loon online, ebõk melele ko relablok kin jorrāān kauwõtata, im download ablikajon in loon ilo https://www.sba.gov/hawaii- wildfires. Armij ro rej kanne peba remaron bar bõk melele ilo Jikin Jibañ Customer eo an SBA ilo 800-659-2955 ñe ejab email DisasterCustomerService@sba.gov ñan melele ko relablok.
Ñan ro rej kanne aer peba ibben SBA im rejaroñroñ ak ewõr aer utamwe ilo kenono, jibed 711 ñan bõke jerbal in jibañ ko ilo wāween leto letak melele. Ablikajon ko rededelok remaron mael lok ñan U.S. Small Business Administration, Processing and Disbursement Center, 14925 Kingsport Road, Fort Worth, TX 76155.
Raan eo aliktata ñan bejnej ko redik, bejnej in atake jidik ko rej koba ibben doon im elõñ doulul ko rejab bejnej ñan kanne aer ablikajon in loon kin jorrāān kauwõtata ibben SBA ej Bolaide, Mae 10, 2024.
Ñan melele ko rekaaltata kin jerbal ko ñan jibañ kijeek ko relablok rekkar walok ilo Maui, lale mauicounty.gov, mauirecovers.org im fema.gov/disaster/4724. Loor FEMA ilo social media: @FEMARegion9 im facebook.com/fema. Kwõmaron bar loe melele kin jibañ jen jorrāān kauwõtata eo ear walok im download ae ablikajon ko ilo sba.gov/hawaii-wildfires.