Kwõmaron Kateruru ñan Jibañ eo jen FEMA elañe Mweo Imõm ej juon Wa Loon

Release Date Release Number
29
Release Date:
October 27, 2023

HONOLULU – Ñe juon loon ekkar mweo elab am jokwe ie im ekkar jorrāān jen kijeek ko relablok ilo Okwoj 8 raan ilo Maui, FEMA emaron jibañ kwe kin jet mweiem ko rejako.

Am jokwe ilo loon ewõr jet abañ ko rejenolok. Am jokwe ilo wa ekoba an wõr jet peba in kõmelim im wonnen paak wa, wonnen aba im mooring rej jet wonnen ko rejenolok ñan an juon jokwe ilo wa loon.

Ñan ebõk jibañ jen FEMA ikijen jorrāān kauwõtata eo ear walok, kwõj aikuj bojak in lelok aoleben atorej in jikin jokwe eo am im aoleben atorej eo an aba eo im peba ak nomba in mooring eo elañe loon eo waam ejab bed ilo bwidej eo am make. Am jab lelok peba ak nomba in mooring emaron jemlok ilo an ablikajon eo am ñan FEMA kobalok ibben bar juon loon ak loon ko rej kõjerbal ejjā atorej eo. Im jidiklok in jerbal ko remaron kõmman rumij ilo an kõmadmõd ablikajon eo am.

Im bareinwõt, kwõjab maron kõjerbal bok ilo post office einwõt atorej eo kwõj jokwe ae, bõtab emaorn jerbal einwõt atorej ñan mael.

Emõj rõjañ an armij ro ilo Maui im rekkar ioone jorrāān ko bwe ren kateruru ñan jibañ jen kien eo an federal ikijen jorrāān kauwõtata mokta jen Taije, Nobomba 9, Elañe juon wa loon ej mweo elab am jokwe ae, Enin ej jet wāween ko kwõmaron kateruru

  • Lale DisasterAssistance.gov
  • Kõjerbal FEMA mobile app
  • Kall ae lok Lain in Kall ñan Jibañ jen Jorrāān Kauwõtata ilo 800-621-3362. Elañe kwõj juon kein jibañ ikijen jaroñroñ ak pilo einwõt Kein Jibañ ilo Bideo, jeje ko rej walok ilo talebon ak ro jet, lelok nomba eo am ñan FEMA ñan kein jibañ eo ilo ien am kateruru. Rijerbal ro ilo lain in kall eo rebojak in jibañ kwe jen 1 awa jibbon ñan 8 awa jota, jilimjuon raan ilo juon wiik, im rej kenono elõñ kajin ko. Jibed 2 ñan kajin Spanish. Jibed 3 ñan juon riukok eo ejela kajin eo am.
  • Ñan bideo in Kajin Kakõlle eo an Amedka kin wāween am kateruru, etal ñan https://www.youtube.com/watch?v=LU7wzRjByhI&list=PL720Kw_OojlKOhtKG7HM_0n_kEawus6FC&index=6
  • Kwõmaron bar etal ñan jabdewõt Jikin eo ej Jibañ kin Jorrāān Kauwõtata ñan melele ko rekāāl tata kin ablikajon eo am ibben FEMA ak ñan uwaak in kajjitõk ko am. Lale ewõr ia jikin ijinDRC Locator (fema.gov)

Ñan melele ko rekaaltata kin jerbal ko ñan jibañ kijeek ko relablok rekkar walok ilo Maui, lale mauicounty.govmauirecovers.org im fema.gov/disaster/4724. Loor FEMA ilo social media: @FEMARegion9 im facebook.com/fema. Kwõmaron bar loe melele kin jibañ jen jorrāān kauwõtata eo ear walok im download ae ablikajon ko ilo sba.gov/hawaii-wildfires

Tags:
Last updated