Ñan kadiklok bwiñal im jolok baijin ko rar walok jen melkwarkwar im menoknok ilo jikin ko ilo Lahaina im rekkar jorrāān jen kijeek ko relab ilo Okwoj 8, Opij eo an Amedka ej bõk eddoin Kakien ko rej Kejbarok Jikin ko Ipeelakid (U.S. Environmental Protection Agency) ej kõmadmõde melkwarkwar im menoknok ko kin juon wūno in bwidej ñan jolok baijin. Wűno in bwidej eo ejab baijin ilo ien emõrā, im emõj kajjitõk bwe armij ro rej jokwe ilo jikin ko ren kattar 24 awa ālikin aer likũt wūno eo ilo bwidej mokta jen aer bar deloñe ijoko jikier.
- Rej kõjerbal wūno in bwidej ñan kejbarok ejmour ko an armij im mejatoto jen uwõta ko rej walok jen melkwarkwar im menoknok im rej bed ilo jikin ko rekkar jorrāān jen kijeek ko relab ilo Lahaina. Jikin ko rekkar bar jorrāān jen kijeek eo ilo Kula rej bar wūno kin ejjā wūno in bwidej in.
- An jerbal wūno ko ñan kõkmanmanlok bwidej einwõt Soiltac emaron jibañ kejbarok an armij jab kebaak melkwarkwar im kadiklok uwõta ñan aer menoknokik melkwarkwar im bwiñal. Ej bar jibañ kejbarok an jab ajeeded mõttan ko rekauwõtata ñan lojet im jikin ko ej ewõr dān.
- Armij ro rej jokwe remaron deloñe jikin ko aer im menoknok mõttan ko ālikin aer kar likūt wūno in bwidej eo. EPA ej kajjitõk an armij ro rej jokwe ilo jikin ko jouj im kattar 24 awa mokta jen aer deloñe ijoko jikier.
- Ilo ien eo emõj likūt wūno eo im emõrā, ejako an baijin, innem jejab maron loe. Ej kadiklok joñan bwiñal eo emaron ajeeded ilo ien ewõr ej makūtkūt iturin melkwarkwar.
- Ālikin aer likūt wūno eo, enaj wõr juon kõjella ej bed ilo jikin eo ej kalikar raan im awa eo rekkar likūt wūno eo.
- Kombani eo ekkar kõmmane wūno eo ej rõjañ kattar aoleben 24 awa bwe en ejellok baijin. Jekdoon joñan mejatoto ilo jikin in emõj kātmāne an wūno eo maron bin ilo ien eo ekadulok, emõj rõjañ kattar aoleben 24 awa mokta jen deloñ ñan loloorjak ejellok baijin im emõj an bin wūno eo.
- Ilo an wũno in bwidej eo kadiklok an maron wõr mõttan jidik ko rej pepepe mejatoto, rej rõjañ wõt an ro rej deloñe jikin ko mokta jen an dedelok aer bõke aoleb jokbej bwe ren loor melele in rõjañ ko jen rijerbal ro an jikin ejmour im ekõnak kein kejbarok ko ñan kajojo armij einwõt kein kalbubu iturin māj.
Ñan melele ko rekāāl tata kin wāween kõmadmõd ko ñan jibañ kijeek ko relab ilo Maui, lale mauicounty.gov, mauirecovers.org im fema.gov/disaster/4724. Loore FEMA ilo social media: @FEMARegion9 im facebook.com/fema.