Armij ro rej jokwe ilo bukon ko emōj kalikar ilo Arkansas im rejab maron kõjerbal aeboj lal ak jikin eo an dān ettoonon ko aer make kin aer kar jorrāān jen an kar lukkun nana lañ im tornado ko ilo Mae 24-27 remaron tōbrak ñan jibañ eo an FEMA.
Bukon ko emōj kalikar
Baxter, Benton, Boone, Fulton, Greene, Madison, Marion, im Randolph.
Ta jibañ eo ewõr?
Ñan aeboj lal im jikin dān ettoonon ko an armij, FEMA emaron karoollok wonnen an juon jejjetin rijerbal eo ewõr an kapeel im laijin ñan kõmmane jorrāān kein bwe en iwõj ñan mweo imõm im kebooje laajrak eo ej kwalok wonnen tibidkin melele ko aikuj ñan kõmmane jorrāān ak bar wia kein jerbal ko rejorrāān jen mejatoto.
Koba ibben wonnen eo rijerbal in enaj lewaj, FEMA emaron bar kolla wonnen aer kõmmane jorrāān eo ñe ejab wiaki nien dān ettoonon ak aeboj lal eo an armij, im rej mweiuk ko injuran ejab kolla wonneir.
Ñe kwar kanne am peba ñan jibañ eo an FEMA im rejañin etale mweo imõm, kwõj aikuj kall ae Lain in Jibañ eo an FEMA ilo 1-800-621-3362. Ilo ien etale eo am, ba ñan rijerbal eo an FEMA ej kõmmane etale eo ke ewõr am aeboj lal im/ak nien dān ettoonon eo emaron kar jorrāān jen an kar lukkun nana lañ.
Ñe renaj loe ke jorrāān eo ear walok jen an kar lukkun nana lañ im ibwijlebleb ko, kwõmaron tõbrak ñan jibañ eo an FEMA.
Ñe emõj de kar an kõmman etale eo am im jorrāān eo ilo aeboj lal ak nien dān ettoonon eo am ekkar koba ilo ripoot eo, kebaak ae Lain in Jibañ eo an FEMA ñan melele kin wāween am lelok juon kajjitõk ñan bar jibañ jen jorrāān.Jouj im kejbarok peba in kamool, wonnen ko rej antoone, im rijit jen rijerbal eo ej koontoreak ibbam ñan aoleb jorrāān ko rekkar walok jen mejatoto innem lelok ibben kajjitõk eo am ñan FEMA. Kwõmaron bar lale leta eo jen FEMA ej lewaj jemlok im kwar loe ñan am bõk bar melele.
Armij ro rekkar ioon jorrāān eo remaron kanne aer peba ñan jibañ eo an FEMA online ilo DisasterAssistance.gov, ilo aer kall ae Lain in Jibañ eo an FEMA ilo 1-800-621-3362 ñe ejab ilo aer download ae FEMA Mobile App. Ñe kwõj kōjerbal juon kein jibañ in bõk melele, einwõt kein jibañ ilo bideo (VRS), kein jibañ ilo talebon ak bar juon kain jibañ, lelok nomba eo an kein jibañ eo ñan FEMA.
Ñan melele ko āliktata lale fema.gov/disaster/4788. Lale akkoun eo an FEMA Region 6 X ilo Twitter ilo twitter.com/FEMARegion6 ñe ejab Facebook ilofacebook.com/FEMARegion6/.