LEPPASENEN TI FEMA TI PERSONAL A PRESENSIA KADAGITI SENTRO WENNO
OPISINA TI PANAGREKOBER
[https://www.fema.gov/ilo/press-release/20250613/fema-end-person-presence-recovery-centers]


Release Date: 
Hunyo 13, 2025 

LAHAINA, MAUI –  Kageddan ti agtultuloy a panaglaing ti Maui
manipud ti nakaro a nga uram idi Agosto 8, 2023,  agtultuloy met ti
panangipaay ti FEMA ti suportana iti isla ken agtaltalinaed nga adda
latta ti ahensia para kadagiti nakalasat. Kas ti panagkasapulan para
ti serbisio a personal ket bumasbassit wenno bumabbaba bayat ti
panaglabas ti panawen, leppasenen ti FEMA ti sango-sango wenno
personal a panagala ti tao wenno empleado iti dua a pampubliko a
sentro ti panagrekober inton Hunyo 18 iti COUNCIL FOR NATIVE HAWAIIAN
ADVANCEMENT KĀKOʻO MAUI RELIEF & AID SERVICES CENTER ITI CENTRAL
MAUI KEN HULYO 3 ITI LAHAINA RESOURCE CENTER ITI LAUD A PASET TI MAUI.
 Narway dagiti wagas tapno makontak ti FEMA ken maguyugoy dagiti
nakalasat iti uram ngfa agtalinaed ti komunikasionda iti ahensia. 

Dagiti Agdama a Lokasion ken Oras Sentro wenno Opisina ti Panagrekober
: 

	* Masarakan ti Kākoʻo Maui Relief & Aid Services Center iti 70
E Kaʻahumanu, Unit D-1 iti Kahului. Oras ket 9 ti bigat aginggana
malem. HST wenno oras iti Hawaii - Lunes aginggana Biernes. 
	* Lahaina Resource Center iti Lahaina Gateway, Unit 102-B (asideg ti
Ace Hardware) masarakan iti 325 Keawe St. iti Lahaina. Oras ket 8 ti
bigat aginggana 4:30 ti malem. HST wenno oras iti Hawaii: Lunes –
Martes ken Huebes – Biernes ken 8 ti bigat aginggana 12:30 ti malem
ken 1:30 ti malem aginggana 4:30 ti malem. HST wenno oras iti Hawaii:
Mierkoles

Ti agpada a pasilidad a patparatayen ti Council for Native Hawaiian
Advancement ket agtultuloy a  silulukat ken mangidiaya ti suporta
kadagiti permit ti panagipatakder, legal a panagasistir, temporario a
pabalay, suporta iti negosio, ken dadduma pay. 

Na-establisar ti personal a panagtulong wenno panagasistir ti FEMA idi
Agosto 16, 2023 ken nagtultuloy yi duapulo ket maysa a bulan. Bayat
kadagita a gundaway, direkta a makapagtrabaho dagiti nakalasat iti
FEMA ken daddua pay a tauhan wenno empleado ti pederal a mangkita
kadagiti kasapulanda, panagparehistro para ti tulong, mangawat
kadagiti personal a panangmanehar kadagiti kaso, ken panakikonektar
kadagiti boluntario nga ahensia para ti kanayonan a suporta. 

Mabalin a kontaken dagiti nakalasat ti FEMA babaen ti:

	* Tawagan ti nasional FEMA,  toll-free Helpline iti 800-621-3362 ( 7
ti bigat aginggana 10 ti rabii, 7 aldaw kada lawas) para ti
pannakaasistir kaddua dagiti sapasap a saludsod. 
	* Kontaken dagiti nakadesignar a tagamamagbaga seknan ti
sertipikasion wenno panagbabawi ken kasta pay dagiti taga-manehar ti
kaso dagiti didigra. 
	* Panangisubmitir dagiti dokumento babaen ti akawnt iti online wenno
internet, sursurat ken dadduma pay a dokumento a mangsuporta babaen ti
USPS/koreo, wenno panangi-fax dagiti dokumento iti 800-827-8112 (
Attn:FEMA). 

Ti Long Term Recovery Office wenno Opisina ti Atiddog a Panawen a
Panagrekober iti FEMA ket agtultuloy nga agoperar iti Maui ken
mangtulong kadagiti nakalasat ti nakaro nga uram. Para kadagiti
temporario a pabalay iti FEMA, nasken nga agtalinaed ti kontak wenno
komunikasion iti FEMA tapnu agtultuloy a makaawat ti tulong weno
asistir bayat nga iyub-ubra ti permanente a pabalay. 

Para kadagiti kabbaro nga impormasion seknan kadagiti wagas para iti
ibabangon ti Maui kalpasan ti nakaro nga uram, bisitaen
ti mauicounty.gov [https://www.mauicounty.gov/], mauirecovers.org
[https://www.mauirecovers.org/], fema.gov/disaster/4724
[https://www.fema.gov/disaster/4724] ken Hawaii Wildfires - YouTube
[https://www.youtube.com/playlist?list=PL720Kw_OojlIM8FHJj9BdjiwvYom-orLO].
Surote ti FEMA iti midia sosial: @FEMARegion9
[https://twitter.com/femaregion9] ken facebook.com/fema
[http://www.facebook.com/fema]. Mabalin pay a makaala ti impormasion
seknan ti pannakaasistir seknan ti pannakadidigra ken i-download
dagiti applikasion iti sba.gov/hawaii-wildfires
[https://www.sba.gov/hawaii-wildfires].  

# # #

_Mision ti FEMA ti makatulong kadagiti tao sakbay, bayat, ken kalpasan
ti didigra. _