ABANGAN A SANIKUA A KAYAT PARA ITI TEMPORARIO A BALAY GAPU ITI
DIDIGRA
[https://www.fema.gov/ilo/fact-sheet/rental-properties-wanted-temporary-disaster-housing]


Release Date: 
Sep 25, 2023 

Inaprobaran ti FEMA ti dua a direkta a programa ti balay para kadagiti
nakalasat iti Maui County. Para iti tunggal programa, makipagtrabaho
ti FEMA kadagiti kompania a mangimatmaton iti sanikua nga agtigtignay
iti biang ti gobierno ken makikontrata kadagiti makinkukua iti sanikua
dagiti rental unit. Maitukon dagiti yunit kadagiti nakalasat agingga
iti 18 a bulan. Ti Maui County, ti Estado ti Hawaii, FEMA ken ti
pribado a sektor ket agsapsapul kadagiti makinkukua kadagiti rental
units a maibagay kadagiti pamilia ken indibidual para iti asinoman a
programa, kas iti sumaganad:

	* DIREKTA A PANAGPAABANG: Ipaabang ti FEMA dagiti agdama,
nakasaganan a pagnaedan a sanikua para iti pannakausar kas temporario
a balay. Dagiti maikari a sanikua ket mabalin a pakairamanan dagiti
pagtaengan ti maymaysa a pamilia, pagtaengan ti adu a pamilia,
apartment, kooperatiba, condominium ken balay iti ili.
	* MULTI-FAMILY PANAGPAABANG KEN PANAGTARIMAAN: Makikontrata ti FEMA
kadagiti property owners ti multi-family (3+) dwelling units tapno
agtarimaan wenno mangpasayaat a kasukat dagiti temporario a
kualipikado nga aplikanteda iti balay.

ANIA DAGITI KONDISION A MASAPUL A MATUNGPAL DAGITI SANIKUA?

	* Masapul nga ipaabang dagiti kompania dagiti bakante a yunit nga
eksklusibo iti FEMA tapno mausar kas temporario a balay para kadagiti
maikari a nakalasat iti termino nga agpatingga iti saan a nasapsapa
ngem 18 a bulan, nga addaan iti posibilidad a mapaatiddog ​​ti
kontrata.
	* Masapul nga adda dagiti sanikua iti uneg ti Maui wildfire disaster
area wenno iti nainkalintegan a distansia ti panagbiahe manipud iti
lugar a naaprobaran para iti direkta a balay.
	* Tunggal sanikua ket masapul a mangtungpal kadagiti Housing Quality
Standards nga impasdek ti U.S. Department of Housing and Urban
Development, ken amin a utilities, appliances ken dadduma pay nga
muebles ket masapul nga agtignay.
	* Tunggal indibidual a yunit ket masapul nga mangipaay kadagiti
kompleto a pasilidad ti panagbiag, agraman dagiti probision para iti
panagluto, pannangan ken sanitasion iti uneg ti yunit.
	* Masapul nga addaan dagiti sanikua iti nainkalintegan a
pannakagun-od kadagiti serbisio ti komunidad ken wraparound, kas iti
madanon a transportasion publiko, eskuelaan, serbisio ti uram ken
emerhensia, ken groseri.
	* Masapul nga agdama ti makinkukua iti sanikua iti amin a bayad ti
mortgage, no mayaplikar.
	* Dagiti interesado a makinkukua iti sanikua wenno dagiti kompania ti
panagmanehar ket mabalinda ti mangipatulod kadagiti saludsod
iti FEMA-DR4724-HI-Contracting@fema.dhs.gov.

Para iti kaudian nga impormasion maipapan kadagiti panagregget a
mangpaimbag iti uram iti kabakiran ti Maui, bisitaen
ti mauicounty.gov [https://www.mauicounty.gov/] ken
fema.gov/disaster/4724. [https://www.fema.gov/disaster/4724] .
Suroten ti FEMA iti social media: @FEMARegion9
[https://twitter.com/femaregion9] ken facebook.com/fema
[http://www.facebook.com/fema].