LAHAINA, Maui – Linuktan ti Pederal nga Ahensia ti Panagmanehar ti Emerhensia ti baro a Temporario a Lugar ti Pabalay ti Grupo ti Kilohana ita nga aldaw, nga agho-host iti tradisional a seremonia ti bendision ken panangabrasa kadagiti umuna a nakalasat iti uram iti kabakiran kadagiti modular unit-na.
Apaman a malpas, mangitukon ti Kilohana kadagiti 167 a temporario a pagtaengan a mangsuporta kadagiti nakalasat iti uram iti kabakiran ti Lahaina bayat nga ibangonda manen ti biagda ken ikagumaan a manggun-od iti permanente a pabalay. Manipud idi Nobiembre 18, 94 kadagiti yunit ti naipaima iti lugar ti pabalay ti grupo iti Fleming Road ken Malo Street. Dagiti yunit ket addaan kadagiti kangrunaan nga muebles ken mangipaay kadagiti utilidad.
“No sangsangkamaysa, saan laeng a temporario a balay dagiti nakalasat iti uram ti ibangbangonmi,” kinuna ti administrador ti Rehion 9 ti Pederal nga Ahensia ti Panagmanehar ti Emerhensia (FEMA) a ni Robert J. Fenton. “Ibangbangonmi iti pundasion para iti kinaandur, pagnagpalaing, ken pannakapabaro para kadagiti tattao ti Laud ti Maui.”
Nangtangdan ti Pederal nga Ahensia ti Panagmanehar ti Emerhensia (FEMA) iti tallo a kompania – Dynamic, Timberline ken Acuity – a mangaramid kadagiti modular a yunit nga addaan ti maysa-, dua- ken tallo- a kuarto iti kontinental ti Estados Unidos sada ipatulod dagitoy idiay Maui. Naiyeg dagiti Inheniero ti U.S. Army Corps tapno isaganada ti 34-akre a lugar ti pagbalay ti grupo.
Naipatakder dagiti modular a pagtaengan tapno agpaut iti 30 a tawen wenno nasursurok pay. Daytoy ti umuna a gundaway a nangaramid ti Pederal nga Ahensia ti Panagmanehar ti Emerhensia (FEMA) kadagiti temporario a pagtaengan – a maawawagan a Dagiti Alternatibo a Maiyak-akar a Temporario a Yunit ti Pabalay – a makatungpal kadagiti lokal ken internasional a pagaladan ti pasdek.
Maddaan ngarud iti pagpilian ti Pederal nga Ahensia ti Panagmanehar ti Emerhensia (FEMA) a mangituding manen kadagiti yunit apaman a saanen a kasapulan dagitoy para iti temporario a pabalay, a makatulong a mangpaadu iti stock ti pabalay ti Maui. Masarakan ti Kilohana iti abay ti maysa a proyekto ti temporario a pabalay ti estado, ti Ka Laʻi Ola, a mangikabil kadagiti naaramiden a pagtaengan agingga iti 450 nga indibidual ken pamilia a naidestiero gapu kadagiti uram iti kabakiran.
Para iti kabaruan nga impormasion iti panangikagumaan para iti panagpalaing gapu iti uram ti kabakiran iti Maui, bisitaen ti mauicounty.gov, mauirecovers.org, fema.gov/disaster/4724 and Hawaii Wildfires - YouTube. Suruten ti Pederal nga Ahensia ti Panagmanehar ti Emerhensia (FEMA) iti social media: @FEMARegion9 and facebook.com/fema.