Hawaii (DR-4724-HI): Sungbat ti Damdamag ken Masansan a Maisalsaludsod

Tulongam a agtalinaed a natalged ti bagim, ti pamiliam ken ti komunidadmo kalpasan ti uram iti kabakiran ti Hawaii babaen ti pannakaammom kadagiti damdamag ken panagkusit ken panangiranud iti opisial nga impormasion manipud kadagiti mapagtalkan a gubuayan.

Aramidem ti pasetmo tapno mapasardeng ti panagsaknap dagiti damag babaen ti panangaramidno iti tallo a nalaka a banag:

  1. Mangbirok kadagiti mapagtalkan a gubuayan ti impormasion.
  2. Ibinglay ti impormasion manipud kadagiti mapagtalkan a gubuayan.
  3. Uk-upayen dagiti dadduma a mangibinglay iti impormasion manipud kadagiti di nabepirikado a gubuayan.
alert - info

Ammuem ti ad-adu pay maipapan kadagiti gagangay a damag a mainaig iti didigraken masansan a maisalsaludsod ken no kasanonga ireport dagiti panagkusit kalpasan ti didigra.

Protect Your Identity

Di-umiso a Damag

Dagiti FAQ

Di-umiso a Damag

Di-umiso a Damag: Apay a maaprobaranak laeng iti $700 kalpasan ti panagaplayko iti tulong no didigra?

Kinapudno:

Kalpasan a nagparehistroka iti FEMA, mabalin a maaprobaranka para iti maminsan a dagus a bayad a $700 para iti Critical Needs Assistance, maysa kadagiti sumagmamano a kita ti pederal a tulong a mabalin a maikarika nga umawat.

Ti Critical Needs Assistance ket kadawyan a napartak a maaprobaran gapu ta nairanta daytoy a tumulong kadagiti madagdagus a kasapulan a kas iti danum, taraon, ken gasolina.

Dagiti pagarigan ti dadduma a kita ti tulong ket mairaman ti tulong iti temporario a lugar a pagdagusan, panangpondo kadagiti panangtarimaan iti pagtaengan, ken dagiti emerhensia a kasapulan a mabalin a saan a saklawen ti seguro ken dadduma pay a gubuayan ti pinansial a tulong. Ammuen ti ad-adu pay maipapan kadagiti kita ti tulong ti FEMA.

Di-umiso a Damag: Bayadan ti FEMA ti panag-hotelko no tawagak ti 1-800-621-3362.

Kinapudno:

Saanka a mabalin nga agkiddaw iti FEMA iti tulong para iti panagbayad iti kuarto babaen iti panagtawag iti aniaman a numero.

Nupay kasta, mabalin a bayadan ti FEMA dagiti gastos iti pagdagusan dagiti kualipikado nga indibidual ken pamilia. Tapno makitam no mabalin kenka daytoy a tulong, agaplayka iti DisasterAssistance.gov.

Di-umiso a Damag: No agaplaynak para iti tulong iti didigra, mabalin nga alaen ti FEMA ti sanikuak wenno daga no ikonsiderada a saanen a mapagnaedan.

Kinapudno:

Saan nga agpayso daytoy. Saan nga mabalin nga alaen ti FEMA ti sanikuam wenno daga. Ti panagaplay iti tulong iti didigra ket saan a mangted iti FEMA wenno iti pederal a gobierno iti autoridad wenno panagtagikua iti sanikua wenno dagam.

No agaplayka para iti tulong iti didigra mabalin a maysa nga inspektor iti FEMA ti maibaon tapno kitaen ti nadadael iti pagtaengam. Daytoy ti maysa kadagiti i-review a pangibasaran no ania a klase ti tulong iti didigra ti mabalin para kenka. No ti resulta iti inspeksion ket makita nga saanen a mapagnaedan ti balaymo, dayta nga impormasion ti pangibasaran no mano ti gatad nga itulong ti FEMA ti mabalinmo nga awaten tapno mapagbalin ti pagtaengam a natalged, nadalus ken mausar.

Di-umiso a Damag: Ti FEMA ket tallikudanna dagiti suplay a kas iti insulin a maipatulod para iti Hawaii a panangsaranay iti didigra.

Kinapudno:

Saan nga agpayso daytoy. Saan a lapdan ti FEMA dagiti aniaman a rekurso wenno agas. Saan a reprepasuen ti FEMA dagiti karga a sumangpet kadagiti sangladan wenno eropuerto ti Hawaii.

Agtartrabaho ti FEMA iti Maui tapno suportaran dagiti operasion a mangispal iti biag kadagiti naapektaran a sangakaarrubaan, iti Disaster Recovery Center tapno direkta a suportaran dagiti nakalasat babaen ti panagaplay iti tulong iti didigra, ken panangsuporta kadagiti lokal nga opisial iti panagplano kadagiti operasion a mangsungbat iti didigra ken panagsubli. Ti panangsango iti didigra ket maysa a panagregget ti intero a komunidad ken nakikaduakami kadagiti adu a boluntario nga organisasion tapno mangipaay kadagiti suplay a mangtaming kadagiti madagdagus a kasapulan.

Di-umiso a Damag: Nangina ti panagpa-inspeksion wenno panagaplay iti tulong.

Kinapudno:

Saan nga agpayso daytoy. Saan a pulos nga agkiddaw ti FEMA iti bayad tapno makapagaplayka iti tulong wenno tapno mainspeksionka.  

No adda ammom a mapaspasamak a panangallilaw, panangsayang wenno panangabuso, ireportmo dayta babaen iti panagtawag iti FEMA Disaster Fraud Hotline iti 866-720-5721. Mabalinmo met ti ag-email iti: StopFEMAfraud@fema.dhs.gov.

Di-umiso a Damag: No makaawatak kadagiti donasion manipud iti panid ti GoFundMe wenno umasping iti dayta, saannak a tulongan ti FEMA

Kinapudno:

Depende. Iti linteg, saan a mabalin a duplikaren ti FEMA dagiti benepisio nga awatem manipud iti sabali a gubuayan. Nupay kasta, adu ti nadumaduma a kita ti tulong a magun-odan babaen ti FEMA ken repasuenmi ti tunggal aplikasion tapno masigurado nga awatem ti tulong a maikarika.

No makaawatka iti kuarta manipud iti panid ti GoFundMe para iti espesipiko a gastos a mainaig iti didigra--kas iti panagtarimaan iti pagtaengan, gastos iti pumpon wenno dadduma pay nga emerhensia a kasapulan—mabalin a dika makaawat iti tulong ti FEMA para iti isu met laeng a gastos. Kas pagarigan, no makaawatkayo kadagiti donasion a mangdalus kadagiti nadadael gapu iti bagyo iti pagtaenganyo, mabalin a saan met a makaipaay ti FEMA kadakayo iti pinansyal a tulong para iti panangdalus iti pagtaengan. Paregtaenmi dagiti amin a nakalasat nga agaplikar iti tulong uray ania tapno marepasomi ti espesipiko a kasom.

Di-umiso a Damag: Komkompiskaren ti FEMA ken ti Red Cross dagiti donasion para iti tulong iti uram iti Hawaii.

Kinapudno:

Saan nga agpayso daytoy.

Saan nga al-alaen ti FEMA ken ti Red Cross ti aniaman a naidonar a bambanag para iti Hawaii. Makium-uman ti FEMA kadagiti adu a nonprofit ken boluntario nga organisasion, karaman iti Red Cross, tapno makita dagiti pamay-an no kasano a maibunong dagiti donasion iti epektibo a pamay-an. Kabayatan iti nakaro a didigra, kadawyanna a dagiti nakaad-adu nga agsangpet a naidonar a bambanag ket makalapped iti panangikagumaan a panagresponde iti didigra. Gapu iti dayta a rason, parparegtaenmi dagiti tattao nga ikonsidera ti panangidonar iti kuarta kadagiti mapagtalkan nga organisasion nga tumultulong. Ammuen ti ad-adu: Agboluntario ken Agdonar.

Dagiti FAQ

Adda segurok, mabalinko pay kadi a maisubli ti gastosko iti panagdagus?

Iti linteg, saan a mabalin nga uliten ti FEMA dagiti benepisio a maited babaen ti seguro. Adu a polisia ti seguro ti mangiraman iti Kanayonan a Gastos iti Panagbiag (ALE) wenno Pannakapukaw iti Pannakausar (LOU) nga sakup, a mangipaay iti kuarta a mangsaklaw kadagiti gastos iti panagdagus no dika makapagnaed iti pagtaenganyo gapu iti didigra. No ti seguroyo ket saan a karaman ti ALE wenno LOU, wenno no ti kuarta nga inted ti seguro yo ket saan a mangsaklaw iti amin a gastosyo iti panagdagus, mabalinyo nga isubmitir ti dokumentasion ti seguroyo iti FEMA tapno maikonsiderar para iti Pannakaisubli ti Gastos iti Panagdagus.

Mabalin kadi nga isubli kaniak ti FEMA dagiti gastosko iti panagdagus?

Mabalin a makaipaay ti FEMA iti Pannakaisubli ti Gastos iti Panagdagus (LER) para kadagiti manipud iti bulsa a gastos iti panagdagus, ngem no laeng dagitoy a gastos ket saan a masakupan babaen ti dadduma a wagas, kas iti seguro.

Tapno maikonsidera para iti LER, masapul a makaragpatka kadagiti kangrunaan a pagalagadan ti pannakakualipikar para iti tulong ken masapul a paneknekan ti FEMA a ti pagtaenganyo ket saan a mabalin a pagnaedan, saan a madanon, wenno naapektaran iti napaut a pannakapukaw kadagiti kasapulan gapu iti didigra. Masapul met nga agisubmitirka kadagiti mapaneknekan a dokumentasion, kas kadagiti resibo, dagiti gastosmo iti panagdagus.

Masapul kadi nga agbalinak nga umili ti U.S. tapno kualipikadoak iti tulong?

Tapno maikonsiderar para iti tulong ti FEMA iti didigra, masapul a maysaka kadagiti sumaganad:

  • Umili ti U.S.
  • Saan nga umili a nasional
  • Kualipikado a saan nga umili

Maysa a kualipikado a saan nga umili:

  • Legal a permanente nga agnaed("agtagikua iti green card")
  • Naikkan iti asylum dagiti saan nga umili
  • Dagiti nagkamang
  • Dagiti saan nga umili a ti deportation status-da ket maiparit iti di kumurang a maysa a tawen
  • Dagiti saan nga umili ket naparole iti U.S. iti di kumurang a maysa a tawen para kadagiti naganat a natauan a panggep wenno dakkel a pagimbagan ti publiko
  • Dagiti sumrek a Cubano/Haitiano
  • Dadduma a nasapsaplit a saan nga umili wenno dagiti assawa wenno annakda
  • Dadduma a biktima ti nakaro a kita ti human trafficking, agraman dagiti tattao nga addaan iti “T” wenno “U” visa

No saanmo a magaw-at dagiti kasapulan iti kinaumili, mabalin latta nga agaplikar ti sangakabbalayan para iti sumagmamano a porma ti pederal a tulong no:

  • Ti nagannak wenno legal a guardian ti menor de edad nga ubing nga umili ti U.S., saan nga umili a nasional, wenno kualipikado a saan nga umili ket agaplikar iti biang ti menor de edad nga ubing, no la ket ta agnanaedda iti isu met laeng a sangakabbalayan. Masapul nga agaplikar ti nagannak wenno legal a guardian kas kaduana nga aplikante, ken ti menor de edad nga ubing ket masapul nga awan pay 18 ti tawenna iti tiempo a napasamak ti didigra.
Agpada kadi amin ti Transisyonal a Tulong ti Pagkamangan (Transitional Sheltering Assistance, TSA), Pannakaisubli ti Gastos iti Panagdagus (LER), ken tulong iti panagabang?

Saan. Agduduma dagitoy.

Ti TSA ket maysa a programa ti FEMA a naaprobaran para kadagiti maikari a nadidigra. Daytoy ket mangipalubos ti temporario, ababa a panawen a panagdagus iti makipaset nga otel/motel, a direkta a bayadan ti FEMA. Mabalin a saan nga agkiddaw dagiti nakalasat iti TSA. Dagiti kualipikado ket kontaken ti FEMA maipapan iti pannakakualipikarda.

No kasapulam ti ababa a panawen a panagdagus iti hotel wenno motel gapu ta dika makapagtalinaed iti pagtaengam gapu iti didigra, mabalin a maisubli ti FEMA dagiti gastosmo iti panagdagus (kuarto ken buis) nga manipud iti bulsa babaen ti Lodging Expense Reimbursement.

Ti tulong iti panagabang ket kuarta a pangabang kadagiti alternatibo a pagdagusan iti balay, kas iti apartment, bayat a matarimaan ti pagtaenganyo wenno agingga a makasarakka iti permanente a solusion ti balay kalpasan ti didigra. Para kadagiti aplikante nga nadokumento, agtultuloy a temporario a kasapulan iti balay, mabalin a magun-od ti Tulong a Pagabang agingga iti 18 a bulan manipud iti petsa ti didigra.

Mangitukon kadi ti FEMA iti tulong iti ababa a panawen a pagdagusan bayat nga agsapsapul iti permanente a lugar a pagnaedak?

Dagiti naidestiero nga agab-abang a kasapulanda ti natalged a lugar a pagdagusan bayat nga agsapsapulda iti napapaut a balay ket mabalin a maikari para iti ababa a panawen a panagtalinaed iti hotel a bayadan ti FEMA iti sidong ti programana a Transisyonal a Tulong ti Pagkamangan (Transitional Sheltering Assistance, TSA). Saan a mabalin ti agkiddaw dagiti aplikante iti TSA, ngem ti FEMA ket mangilasin kadagiti nakalasat a mabalin a maikari ken addaan iti panagkasapulan iti daytoy espesipiko a tulong. Ipakaammo ti FEMA ti pannakakualipikar iti TSA babaen ti nadumaduma a pamay-an agraman ti timek; teks; ken email.

No ti TSA ket inaprobaran ti estado, teritorio, wenno gobierno ti tribuyo, ti listaan dagiti makipaset nga otel ket maipaskil iti DisasterAssistance.gov. Mabalinmo pay a masarakan daytoy nga impormasion babaen ti panagtawag iti FEMA Linya ti Tulong iti 800-621-3362. No agus-usarkayo iti serbisyo ti video relay (VRS), adda kapsion na a serbisyo ti telepono wenno dadduma pay, itedyo iti FEMA ti numeroyo para iti dayta a serbisio.

Kaudian a nabalbaliwan
Agsubli iti ngato