DR 4724 PAKAAMMO ITI PUBLIKO 001

DAGITI BENEPISIO TI DISASTER UNEMPLOYMENT ASSISTANCE (DUA)

Ti State Department of Labor and Industrial Relations (DLIR) inyanunsiona ita, kas resulta ti Presidential Disaster Declaration ni Presidente Joe Biden idi Agosto 10, 2023, nga awaten ti department dagiti aplikasion para iti Disaster Unemployment Assistance (DUA). Dagiti trabahador, negosiante, ken adda-bukodna-a-trabaho nga indibidual iti County ti Maui a naawanan iti trabaho wenno naksayan ti orasna wenno temporario nga awan trabahona gapu iti uram iti kabakiran a napasamak idi Agosto 8, 2023 ken saan a kualipikado iti insurance para iti regular nga awanan trabaho ket mabalin a kualipikado kadagiti benepisio ti DUA mangrugi iti lawas ti Agosto 13, 2023 agingga ti panagpatingga ti lawas ti Pebrero 10, 2024 no la ketdi ti kaawan trabahona ket agtultuloy kas resulta ti didigra. Ti insurance para iti regular nga awanan trabaho ken dagiti benepisio ti DUA ket saan nga aggiddan a mabayadan. Dadduma pay a mabalin a kualipikado para iti DUA: (1) dagiti indibidual a saan a makapan iti trabahoda wenno iti bukodna a pagtrabahuan gapu iti didigra; (2) dagiti indibidual a nayeskediul a mangrugi wenno agsubli iti trabaho wenno iti bukodna a trabaho ngem nalapdan gapu iti didigra; ramanenna, ngem saan laeng a dagitoy, dagiti adda iti sektor ti agrikultura ken panagkalap; (3) dagiti indibidual a nagbalin a kangrunaan a mangsupsuporta iti pamiliada gapu ta natayen ti ulo ti pamiliada gapu iti didigra; wenno (4) dagiti indibidual a saan a makapagtrabaho iti trabahona wenno iti bukodna a trabaho ta nadangran a mismo gapu iti didigra. Ti kaawan iti trabaho ket mismo a resulta ti nakaro a didigra no adda: (1) nadangran wenno naperdi ti lugar ti trabaho; (2) di makapan iti lugar ti trabaho gapu iti panagserra ti gobierno kas dagus a panagresponde iti didigra; wenno (3) kaawan ti trabaho wenno pannakapukaw ti pamastrekan iti biang ti amo wenno iti bukodna a negosio kas saan a direkta a resulta gapu ta nadadael wenno naperdi ti kangrunaan a pamastrekan a kompania gapu iti didigra wenno adda iti lugar a nadidigra nga inserra ti gobierno. PATINGGA TI PANAGAPLAY: Amin nga indibiual a mamati a kualipikado iti DUA ket masapul nga agaplay a dagus. Ti patingga ti panagipasa iti DUA ket 30 nga aldaw kalpasan ti petsa daytoy a pakaammo; gapuna, dagiti aplikasion iti DUA masapul a maisumitir saan a naladladaw ngem Septiembre 25, 2023. Dagiti aplikasion a maisumitir kalpasan ti patingga ti panagaplay ket maibilang a naladawen, ket mabalin a saan a maited dagiti benepisio ti DUA malaksid no mangipaay ti indibidual iti nasayaat a rason iti naladaw a panagipasana. KASANO KEN SADINO TI PAGAPLAYAN: Dagidiay agkiddaw iti tulong mabalinda ti agaplikar para iti DUA iti online babaen ti huiclaims.hawaii.gov/#/ wenno personal a mapan agsumitir iti aplikasion. No agpatulongka maipapan iti panagaplay iti DUA ken dadduma pay a form, mabalinmo ti mapan iti aniaman kadagitoy a lokasion:
•Family Assistance Center
Hyatt Regency Maui (Ka’anapali Beach) - Monarchy Ballroom
200 Nohea Kai Drive, Lahaina, HI 96761
DUA Public Notice – 08/2023 ILOCANO
• Maui Claims Office
54 South High St. Rm. 201, Wailuku, HI 96793-2198
Telepono: (808) 984-8400
• American Job Center Hawaii-Maui
110 Ala’ihi St. #209, Kahului, HI 96732
Telepono: (808) 270-5777
Silulukat ti DUA kadagiti kualipikado nga awanan trabaho nga empleado, addaan-bukod-a-trabaho, mannalon, ken mangngalap a madama ti panagtrabahona idi napasamak ti didigra. Matingiting no kualipikadoka kadagiti benepisio ti DUA iti kada lawas nga agkiddawka iti tulong.
Para iti tulong iti kaawan trabaho, mabalin met a tumawag dagiti indibidual iti (833) 901-2272 wenno (808) 762-5751 ken iti (833) 901-2275 wenno (808) 762-5752.
DAGITI MAIPAKITA A DOKUMENTO: Nakasaganaka koma a mangipakita kadagiti sumaganad: manipud-gobierno a pakabigbigan (lisensia ti panagmaneho, pasaporte, alien registration card, kdpy.), ti Social Security number-mo, ken kopia ti kaudian a federal income tax form ken dagiti check stub wenno dokumento a mangsuporta a madamaka nga agtrabtrabaho wenno addaka iti bukodmo a trabaho idi napasamak ti didigra. Ti kasta a dokumento para iti bukodmo a trabaho ket mabalin a maala kadagiti banko wenno representante ti gobierno wenno affidavit dagiti indibidual a makaammo kadagita a pamastrekan. Nakasagana koma ti impormasion maipapan iti bankom (kas iti routing number ken account number) ta dagiti benepisio ket direkta a maideposito.
KANAYONAN NGA IMPORMASION: Para iti mas detalyado nga impormasion no kualipikadoka kadagiti benepisio ti DUA, bisitaem ti website ti DLIR iti http://labor.hawaii.gov/ui/assistance-programs/ wenno kontakem ti:
• Maui Claims Office
54 South High St., Rm. 201, Wailuku, HI 96793-2198
Telepono: (808) 984-8400
Dagiti indibidual nga inggagarada nga ilemmeng dagiti ebidensia wenno agulbod tapno makaalada iti benepisio ti DUA a saanda met a kalintegan ket makalikaguman a mangbayad iti amin a benepisio a sikukusit nga innalada ken mabalin a maibestigaran sigun iti 18 U.S.C. 1001.
Dagiti serbisio a pannakayempleo manen ket mabalin a maala iti kaasitgan a One-Stop Center:
• American Job Center Hawaii-Maui
110 Ala’ihi St. #209, Kahului, HI 96732
Telepono: (808) 270-5777
 

ENGLISH: Important! If you need help (free of charge) in understanding this information in your language, please call (833) 901-2272 or (808) 762-5751 and (833) 901-2275 or (808) 762-5752; or go to [https://labor.hawaii.gov/ui]. 
________________________________________________________________________________________________________ 
CHINESE (Simplified): 重要！如果您需要帮助（免费）以您的语言理解此资讯，请致电 (833) 901-2272 或 (808) 762-5751和 (833) 901-2275 或 (808) 762-5752；或前往 [https://labor.hawaii.gov/ui/lep-chi] 。 
________________________________________________________________________________________________________ 
JAPANESE: 重要！ この情報内容を理解する上で、あなたの言語で無料サービスを必要とされる場合は、（833）901-2272または（808）762-5751および（833）901-2275または（808）762-5752 
までお電話ください。または [https://labor.hawaii.gov/ui/lep-jpn]にアクセスして下さい。 
________________________________________________________________________________________________________ 
TAGALOG: Mahalaga! Kung kailangan mo ng (libreng) tulong para maintindihan ang impormasyong ito sa iyong wika, tumawag sa (833) 901-2272 o (808) 762-5751 at (833) 901-2275 o (808) 762-5752; o pumunta sa [https://labor.hawaii.gov/ui/lep-tag]. 
________________________________________________________________________________________________________ 
ILOCANO: Nasken! No masapolmo iti (libre a) tulong tapno maawatam daytoy a pakaammo iti lengguahem, awagam iti (808) 762-5751 wenno (833) 901-2272 ken (833) 901-2275 wenno (808) 762-5752; wenno mapan iti [https://labor.hawaii.gov/ui/lep-ilo]. 
________________________________________________________________________________________________________ 
KOREAN: 중요! (정보를) 모국어로 이해할 수 있도록 도움(무료)이 필요하시다면, (833) 901-2272 
또는 (808) 762-5751, (833) 901-2275 또는 (808) 762-5752로 연락해주십시오; 또는 
[https://labor.hawaii.gov/ui/lep-kor] 으로이동합니다. 
________________________________________________________________________________________________________ 
VIETNAMESE: Quan trọng! Nếu bạn cần trợ giúp (miễn phí) để hiểu thông tin này bằng ngôn ngữ của bạn, vui lòng gọi (833) 901-2272 hoặc (808) 762-5751 và (833) 901-2275 hoặc (808) 762-5752; hoặc truy cập [https://labor.hawaii.gov/ui/lep-vie]. 
________________________________________________________________________________________________________ 
SPANISH: ¡Importante! Si necesita ayuda (sin cargo) para comprender este información en su idioma, llame al (833) 901-2272 o (808) 762-5751 y (833) 901-2275 o (808) 762-5752; o vaya a [https://labor.hawaii.gov/ui/lep-spa]. 
________________________________________________________________________________________________________ 
CHUUKESE: Auchea! Ika pwe ke mochen aninis (ese kame) omw kopwe weweiti ei poraus non fosun fonuwom, kose mochen korikich won (833) 901-2272 ika (808) 762-5751 pwan (833) 901-2275 ika 
(808) 762-5752; ika no ngeni [https://labor.hawaii.gov/ui/lep-chk]. 
________________________________________________________________________________________________ 
MARSHALLESE: Aurok! Ñe kwōj aikuj jibañ (ejellok wonnen) ñan am melele naan ko kobban peba kein ilo kajin eo am, jouj im kall ae tōk kim ilo (833) 901-2272 ak (808) 762-5751 im (833) 901-2275 ak (808) 762-5752; ak loļok [https://labor.hawaii.gov/ui/lep-mah].