REKOUVREMAN GENYEN LADAN L YON PLAN POU LOJMAN ALONTÈM
[https://www.fema.gov/ht/fact-sheet/recovery-includes-long-term-housing-plan]


Release Date: 
Jan 14, 2021 

Pou Sivivan siklòn Laura ak Delta Louisiana yo, rekouvreman ka genyen
ladan li asistans nan FEMA pou lojman tanporè. Si ou se yon sivivan
siklòn Laura oswa Delta yo te mete nan yon inite lojman FEMA bay, ou
pral bezwen pou montre pwogrè sou plan lojman alontèm ou yon fason
pou toujou kenbe kalifikasyon pou asistans nan FEMA pou lojman. 

Asistans nan FEMA pou lojman tanporè vini ansanm avèk chèk peryodik
(chak 14-30 jou) pou bezwen kontinyèl pou asistans. Epi devlopman
plan lojman alontèm nan obligatwa. Yo pral bay moun k ap viv nan
lojman FEMA yo ki pa genyen yon plan, enfòmasyon ak zouti pou ede yo
jwenn lojman ki disponib.

Aplikan yo kapab kalifye pou kontinye jwenn asistans pou lojman baze
sou jan yo demontre bezwen yo epitou lè yo genyen yon plan pou lojman
alontèm oswa pèmanan oswa si yo te demontre pwogrè yo fè pou
devlope yon plan pou lojman alontèm.

Sivivan yo kapab montre pwogrè yo nan devlopman plan pou lojman
alontèm yo si yo:

 	* Deside si wi ou non pou repare oswa rebati yon kay anvan dezas la,
jwenn epi achte yon nouvo rezidans, oswa jwenn epi lwe yon inite
lokasyon ki disponib;
 	* Bay prèv sou pwogrè yo — tankou bòdwo pou reparasyon yo,
aplikasyon /yo pou lajan adisyonèl (SBA, bank, elatriye), kontra pou
rebati oswa kontra-lwaye pou yon nouvo kay — oswa bay rezon ki pa
fòt ou ki lakòz delè yo;
 	* Reyalize objektif plan pou lojman alontèm yo nan espas tan ki
rezonab; epi
 	* Satisfè demann yo pou kominike epi pou rankontre avèk travayè
dosye FEMA yo.

Aplikan pou lojman yo ta dwe kenbe resi pou lajan kach yo peye yo,
resi kat kredi yo, chèk lapòs yo ki montre itilizasyon apwopriye
avèk tout lajan asistans FEMA yo.

Yo pral voye pa lapòs aplikasyon pou asistans finansye kontinyèl pou
lwaye bay pwopriyetè kay yo. Men, lokatè yo ta dwe kontakte
pwopriyetè kay anvan yo anpremye pou chèche konnen si y ap pèmèt
yo retounen nan ansyen kay yo te ye anvan yo.

Sivivan yo kapab rete an kontak avèk FEMA lè yo:

 	* Rele Liy Telefòn Gratis pou èd la nan 800-621-3362 (TTY
800-462-7585).
 	* Vizite DisasterAssistance.gov
[https://www.disasterassistance.gov/].
 	* Telechaje App Mobil FEMA a nan
 fema.gov/about/news-multimedia/app
[https://www.fema.gov/about/news-multimedia/app] oswa jwenn yon lyen
pou telechaje li atravè mesaj pa tèks sou yon aparèy Android (tèks
ANDROID bay 43362) oswa yon aparèy Apple (tèks APPLE bay 43362).

Moun ki itilize sèvis relè tankou telefòn-videyo, InnoCaption oswa
CapTel dwe mete FEMA okouran de nimewo espesifik yo deziyen ba yo pou
sèvis sa a.

Pou jwenn dènye enfòmasyon sou Siklòn Laura, vizite
fema.gov/disaster/4559 [http://www.fema.gov/disaster/4559]. Swiv kont
Twitter FEMA Region 6 la sou twitter.com/FEMARegion6
[https://twitter.com/FEMARegion6].