Hickory, NC – Sou demann Gouvènè Cooper, sivivan tanpèt twopikal Helene nan Kawolin di Nò yo genyen kounye a jiska 6 fevriye 2025 pou aplike pou asistans nan FEMA.
Yo ankouraje sivivan ki gen asirans yo pou yo fè yon reklamasyon pou domaj dezas la te koze nan asirans yo anvan yo aplike pou èd nan FEMA. Ou pa bezwen tann rezolisyon asirans ou pou w aplike. FEMA ka bay asistans finansyè sivivan ki kalifye yo ki pa gen asirans oswa ki pa gen asirans dezas pou domaj oswa pèt dezas la te lakòz.
Pwopriyetè kay ak lokatè nan konte Alexander, Alleghany, Ashe, Avery, Buncombe, Burke, Cabarrus, Caldwell, Catawba, Cherokee, Clay, Cleveland, Forsyth, Gaston, Graham, Haywood, Henderson, Iredell, Jackson, Lee, Lincoln, Macon, Madison, McDowell, Mecklenburg, Mitchell, Nash, Polk, Rowan, Rutherford, Stanly, Konte Surry, Swain, Transylvania, Union, Watauga, Wilkes, Yadkin, ak Yancey ak Eastern Band of Cherokee Indians ki gen pèt ki pa gen asirans akòz Tanpèt Twopikal Helene gendwa kalifye pou aplike pou asistans FEMA.
Gen plizyè fason pou aplike:
- Vizite yon Sant Sekou pou Dezas (DRC) Pou jwenn lokal sant ki pi pre ou, ale sou fema.gov/drc.
- Ale sou entènèt nan disasterassistance.gov.
- Telechaje Aplikasyon FEMA nan aparèy mobil yo.
- Rele liy asistans FEMA a nan 800-621-3362 ant 7 a.m. jiska minwi. Èd yo disponib nan pifò lang. Si w itilize yon sèvis relè, tankou relè videyo (VRS), telefòn ki gen tit oswa lòt sèvis, bay FEMA nimewo w pou sèvis sa a.
Asistans pou Chomaj akòz Dezas
Dat limit pou Asistans pou Chomaj akòz Katastwòf (DUA) la te pwolonje tou. Ou ka kalifye pou DUA si:
- Ou te viv, te travay oswa te pwograme pou travay nan youn nan konte sa yo.
- Ou te pèdi travay oswa travay ou te sispann kòm yon rezilta dirèk dezas la, epi
- Ou fin itilize oswa ou pa kalifye pou benefis chomaj leta.
- Ou pa jwenn travay (tankou travayè endepandan oswa pwopriyetè biznis) kòm yon rezilta dirèk siklòn Helene lan.
Fason ki pi rapid pou fè yon reklamasyon se sou Entènèt nan paj wèb Divizyon Sekirite Travay Depatman Komès Kawolin di Nò a: www.des.nc.gov. Ou ka ranpli yon reklamasyon tou lè w rele 888 737-0258. DUA disponib pou semèn chomaj 29 septanm 2024-29 mas 2025. Kalifikasyon pou DUA yo detèmine chak semèn, epi ou dwe ranpli yon sètifikasyon chak semèn pou resevwa benefis chomaj, menm poou DUA.
Prè pou Katastwòf ak Enterè ki ba nan Administrasyon ti Biznis Etazini
Genyen plis tan tou pou aplike pou prè pou katastwòf ak enterè ki ba nan men Administrasyon Ti Biznis Etazini (SBA). SBA se sous prensipal lajan pou rekonstwiksyon alontèm pwopriyete prive ki te andomaje nan katastwòf la. SBA ede biznis tout gwosè, òganizasyon prive san bi likratif, pwopriyetè kay ak lokatè finanse efò pou reparasyon oswa rekonstwiksyon epi kouvri depans pou ranplase pwopriyete pèsonèl ki pèdi oswa ki andomaje nan katastwòf la.
Yo ka refere aplikan ki pa kalifye pou yon prè nan SBA yo tounen bay FEMA pou yo konsidere yo pou èd dapre dispozisyon Asistans Lòt Bezwen yo. Nimewo telefòn Sant pou Konsomatè Kliyan ki nan Dezas pou SBA se 800-659-2955 oswa voye mesaj pa imèl nan: disastercustomerservice@sba.gov oswa lè w vizite www.sba.gov. Sivivan yo ka aplike sou Entènèt sou sitwèb SBA ki an sekirite: