Lè yo deklare de (2) oswa plis katastwòf nan menm eta a, FEMA ap asire sivivan yo resevwa tout asistans ki elijib pandan y ap anpeche repetisyon avantaj federal yo. Youn nan fason ajans lan reyalize sa se pou mande yon aplikasyon separe pou chak katastwòf. Si ou gen domaj oswa pèt pwopriyete pandan Ian epi ou sibi lòt domaj ankò akòz Nicole, w ap bezwen ranpli de (2) aplikasyon pou asistans pou katastwòf separe.
Pou yo konsidere w pou asistans pou katastwòf akòz siklòn Nicole, rezidans prensipal ou a dwe lokalize nan konte Brevard, Flagler, Lake, Putnam, St. Johns oswa Volusia.
- Reklamasyon pou domaj oswa pèt pwopriyete ou pandan Ian dwe te rive pandan Ian epi domaj oswa pèt ou reklame pou Nicole dwe se Nicole ki te koze yo. Reklame menm domaj tanpèt la pou chak siklòn yo rele yon Duplication of Benefits (Diplikata nan Avantaj) epi li ilegal.
- Lè w ap detèmine kantite asistans federal pou katastwòf yon aplikan ki gendwa elijib pou li, FEMA pral verifye si pa gen Diplikata nan Avantaj yo. Si w resevwa asistans pou katastwòf epi pita apre yo detèmine se yon Diplikata nan Avantaj yo, y ap mande w pou w remèt asistans ou te resevwa a.
- Si w gen dosye pou dokimante domaj siklòn Ian te koze, kenbe yo an sekirite. Kòmanse yon nouvo dosye pou resi w yo ki gen rapò ak depans siklòn Nicole te koze.
-
Egzanp atik FEMA ka bay asistans finansye pou repare oswa ranplase, kòm rezilta siklòn yo enkli:
- Fenèt, pòt, planche, mi, plafon, kabinèt
- Sistèm septik, pi prive, sistèm chofaj, vantilasyon ak èkondisyone (HVAC), wout prive ak pon.
- Nan sèten ka, aparèy menaje ak transpò
- Asire w ke w kenbe enfòmasyon sou règleman asirans oswa refi pou chak siklòn
- Tout domaj katastwòf ki te koze yo verifye lè w konpare rapò enspeksyon FEMA yo, lèt kontestasyon ou yo, ak dokiman yo soumèt pou sipòte kontestasyon w la, enkli estimasyon ak resi yo.
Aplikan ki gen Domaj nan Kay Prensipal yo ak Lojman Tanporè yo
- FEMA pral kowòdone ak pwopriyetè kay ki rapòte domaj oswa pèt adisyonèl nan kay prensipal yo epi tou ki gen domaj oswa pèt nan rezidans tanporè kote yo te deplase akòz Ian.
- Pwopriyetè kay yo ki afekte pandan Nicole nan nouvo lokal lojman tanporè yo ta dwe aplike pou nenpòt domaj nan nouvo adrès yo.
- Pwopriyetè kay ak lokatè yo gen jiska 12 janvye 2023 pou aplike pou pèt oswa domaj pwopriyete siklòn Ian te koze; pwopriyetè kay ak lokatè yo gen jiska 13 fevriye 2023 pou aplike pou pèt oswa domaj pwopriyete siklòn Nicole te koze.
- Lokatè ki rapòte domaj adisyonèl sou pwopriyete pèsonèl akòz Siklòn Nicole ta dwe aplike lè l sèvi avèk adrès kote yo t ap viv nan moman dezyèm ensidan an.
Kijan pou w aplike pou asistans FEMA
Gen plizyè fason pou w aplike: Ale sou Entènèt DisasterAssistance.gov, sèvi ak FEMA app for smartphones oswa rele 800-621-3362. Yo aksepte koutfil chak jou soti 7 a.m. rive 11 p.m. ET. Èd disponib nan pifò lang. Si w itilize yon sèvis relè, tankou relè videyo (VRS), telefòn ki gen tit oswa lòt sèvis, bay FEMA nimewo pou sèvis sa a. Pou wè yon videyo ki aksesib sou fason pou aplike, vizite: Three Ways to Register for FEMA Disaster Assistance - YouTube.
Si w gen asirans pwopriyetè kay, lokatè oswa asirans inondasyon, ranpli yon reklamasyon pi vit posib. FEMA pa kapab diplike avantaj pou pèt asirans ki kouvri yo. Si politik ou a pa kouvri tout depans domaj ou yo, ou ka kalifye pou asistans federal.
Pou jwenn dènye enfòmasyon sou rekiperasyon Florid apre siklòn Nicole, vizite floridadisaster.org/info ak fema.gov. Swiv FEMA Region 4 (@femaregion4) / Twitter ak nan facebook.com/fema.
###