4709-DR-FL EHP Public Notice Amendment 001

Ajans Federal pou Jesyon Ijans [Federal Emergency Management Agency (FEMA)] Depatman Sekirite Enteryè Ameriken [Dartment of Homeland Security] an bay piblik la avi sou entansyon li genyen pou l voye èd finansye bay Eta Florid, gouvènman lokal ak tribi yo, ak òganizasyon imanitè prive yo atravè deklarasyon pou gwo katastwòf FEMA-4709-DR-FL.  Avi sa a aplike pou pwogram Asistans Endividyèl (IA) la ak Asistans Piblik (PA) ki aplike anba otorite Lwa Robert T. Stafford sou Sekou pou Katastwòf ak Asistans Ijans [Robert T. Stafford Disaster Relief and Emergency Assistance Act], 42 U.S.C. §§ 5121-5207 (Lwa Stafford). Avi piblik sa a konsène aktivite ki kapab afekte pwopriyete istorik yo, aktivite ki lokalize nan oswa ki afekte zòn makeraj yo oswa plèn inondab 100 lane yo, ak aktivite ki ka enplike aksyon enpòtan nan plèn inondab 500 lane yo. Aktivite sa yo kapab afekte pwopriyete istorik la, plèn inondab oswa marekaj yo yon fason negatif, oswa sa ka lakoz yon frajilite pou domaj inondasyon.

I. Avi Piblik – Deklarasyon Gwo Katastwòf FEMA-4680-DR-FL ak Apèsi sou Asistans Otorize

Prezidan an te deklare yon gwo katastwòf pou Eta Florid nan dat 27 avril 2023, kòm konsekans Gwo Tanpèt, Toubiyon, ak Inondasyon, ki te fèt pandan peryòd ensidan 12 pou rive 14 Avril la, selon otorite li genyen nan kad Lwa Stafford la.  Deklarasyon sa a te otorize FEMA pou bay, atravè Pwogram Asistans Piblik li a, ranbousman oswa asistans Federal dirèkteman bay gouvènman eta, administrasyon lokal ak tribi ki elijib yo, ak sèten òganizasyon prive imanitè pou travay ijans (Kategori A ak B), ak reparasyon oswa ranplasman enstalasyon ki andomaje nan katastwòf yo nan Asistans Piblik Kategori C, D, E, F, ak G ak tou ladan asistans Federal dirèteman bay komin Broward nan Eta Florid.

Pwogram Asistans Piblik la jwenn otorizasyon li nan seksyon 403, 406, ak 407 Lwa Stafford la.  Aksyon sa yo ka gen ladan mete sou pye lokal pou fè tès mobil, enstalasyon medikal tanporè, kan rasanbleman pwovizwa, ak abri tanporè pou popilasyon ki an danje yo.  Sa a se sèl avi piblik konsènan aksyon sa yo.

Pwogram Sibvansyon pou Rediksyon Danje a (HMGP) ap disponib nan tout eta a. Yo ka fè lòt deziyasyon an apre si Eta a mande sa a epi si rezilta evalyasyon apwofondi revele plis domaj.

Deklarasyon sa a bay FEMA otorizasyon pou li founi Asistans Endividyèl sou fòm èd finansye ak sèvis finansman dirèk èd bay patikilye ak fanmi nan kad seksyon 408 Lwa Stafford pou komin Broward la.  Yo pa prevwa aksyon sa yo ap gen yon enpak sou yon plenn inondab oswa yon marekaj. Sa a se sèl avi piblik konsènan aksyon sa yo.

II. Avi Piblik – Asistans Finansye pou Aktivite ki Afekte Pwopriyete Istorik oswa ki Sitiye nan oswa ki Afekte Zòn Marekaj oswa Plèn Inondasyon

Kèk nan aktivite FEMA founi èd finansye nan kad Asistans Endividyèl, Asistans Piblik ak Pwogram Sibvansyon pou Rediksyon Danje a kapab afekte pwopriyete istorik yo, ki ka lokalize nan oswa ki afekte zòn makeraj yo oswa plèn inondab 100 lane yo, e ka enplike aksyon enpòtan nan plèn inondab 500 lane yo.  Dapre tout egzijans Lwa sou Politik Nasyonal Anviwònman an[National Environmental Policy Act(NEPA)], tout aksyon federal yo dwe revize epi evalye pou jwenn lòt altènativ ki posib. FEMA dwe konfòme l tou ak Dekrè Egzekitif 11988, Jesyon Plan Inondasyon; Dekrè Egzekitif 11990, Pwoteksyon Marekaj yo; Lwa Nasyonal Konsèvasyon Istorik 1966, Pub. L. No 89-655 (1966) (kodifye jan yo te amande li nan 16 U.S.C. § 470 et seq.) (NHPA); ak règleman aplikasyon yo nan 44 C.F.R. pt. 9 ak 36 C.F.R. pt. 800.  Dekrè egzekitif yo, NHPA, ak règleman yo mande pou FEMA bay avi piblik pou sèten aktivite kòm yon pati nan otorizasyon pou bay asistans finansye pou kèk pwojè espesifik. 

A. Aksyon Federal Nan Oswa Ki Afekte Plèn Inondab Ak Marekaj

FEMA te detèmine pou sèten kalite etablisman ki nòmalman pa gen altènativ pou restorasyon nan plèn inondasyon oswa makeraj la. Sa yo se etablisman ki reponn ak tout kritè sa yo: 1) estimasyon FEMA pou frè reparasyon yo se mwens pase 50% pri pou ranplase tout etablisman an epi se mwens pase $ 100,000; 2) etablisman an pa sitiye nan yon zòn inondasyon oswa zòn bò lanmè ki gen gwo nivo danje; 3) etablisman an pa te sibi gwo domaj estriktirèl nan yon peryòd katastwòf oswa ijans inondasyon yon Prezidan te deklare anvan sa a; ak 4) etablisman an pa kritik (sa a vle di, etablisman an se pa yon lopital, santral elektrik, sant operasyon ijans, oswa yon etablisman ki gen materyèl danjere). FEMA gen entansyon bay asistans pou restorasyon etablisman sa yo nan kondisyon yo te ye avan katastwòf la, sèlman yo ka ajoute kèk mezi pou diminye efè pwochen inondasyon yo oswa lòt danje nan travay la. Pa egzanp, restorasyon pon oswa kanivo ka gen ladann yon pi gwo ouvèti dlo pou diminye risk ewozyon yo pi devan.

Pou aktivite woutin, sa a pral sèl avi piblik nou bay. Lòt aktivite ak lòt etablisman ki enplike yo ki pa reponn ak kat kritè yo ap oblije sibi plis revizyon ki pi apwofondi, ki gen ladan etid pou anplasman altènatif. Lòt avi piblik ki konsène pwojè sa yo pral pibliye si sa nesesè, lè gen plis enfòmasyon ki disponib.

Nan anpil ka, aplikan an ka te kòmanse restorasyon etablisman anvan patisipasyon federal la. Menm si etablisman an dwe sibi yon revizyon detaye ak etid pou anplasman altènatif, FEMA ap finanse restorasyon ki kalifye nan anplasman orijinal la si fonksyònman etablisman an depann de anplasman plèn inondab la (pa egzanp, pon ak enstalasyon kontwòl inondasyon), oswa pwojè a fasilite yon itilizasyon espas tou louvri, oswa etablisman an se manm entegral yon rezo ki pi gwo ki enposib pou deplase oswa deplasman an ap koute twòp, yon wout pa egzanp. Nan ka sa yo, FEMA dwe egzaminen tou efè ki ka genyen si yo pa restore enstalasyon an, minimize enpak nan plèn inondab oswa marekaj, epi detèmine tou de kòm yon nesesite piblik ki pi enpòtan pou etablisman an ki depase klèman kondisyon ki nan Lòd Egzekitif pou evite plèn inondab la oswa marekaj la, ak sit yo chwazi a se sèl altènatif ki posib. Ofisyèl Eta yo ak Ofisyèl lokal yo pral konfime bay FEMA aksyon yo pwopoze yo konfòm ak tout egzijans federal, eta ak lokal ki aplikab pou jesyon plenn inondab ak pwoteksyon marekaj.

Dekrè Egzekitif 14030, Risk Finansye ki Gen rapò ak Klima (20 me 2021), te retabli Dekrè Egzekitif 13690, Etabli yon Estanda Federal pou Jesyon Risk Inondasyon ak yon Pwosesis Mande ak Konsidere Plis Kòmantè bò kote Patisipan yo (30 janvye 2015), ki te etabli Estanda Federal Jesyon Risk Inondasyon la (FFRMS). Nan konsa, FEMA pral idantifye estanda konsepsyon ki aplikab pou kalite pwojè ki enkòpore FFRMS-Freeboard Value Approach (FVA) pou Aksyon espesifik ki pa Enpòtan dapre Règleman FEMA FP-206-21-0003. Règleman aplikasyon pasyèl PA FFRMS la aplike pou pwojè PA yo nan plenn inondab ak 1% (sou 100 ane) chans chak ane (ak plenn inondab ki gen 1% (100 ane) chans chak ane ak 0.2% (500 ane) chans anyèl kòm laplenn inondab pou Aksyon Kritik) ki enplike nouvo konstriksyon estrikti, estrikti ki gen detèminasyon domaj sibstansyèl, oswa estrikti ki bezwen amelyorasyon sibstansyèl. Règleman an ap aplike kèlkeswa kòz domaj la. Règleman an aplikasyon pasyèl HMGP FFRMS aplike a Aksyon ki pa Enpòtan ki enplike elevasyon estrikti, pwoteksyon a sèk kont inondasyon, ak konstriksyon enfranstrikite alèjman plenn inondab a 1% chans chak ane (100 ane). Pou tout pwogram ak pwojè tip FEMA yo, si gouvènman yon eta, yon administrasyon lokal, yon tribi oswa yon administrasyon teritoryal gen pwòp estanda ki pi wo, FEMA egzije pou itilize estanda ki pi wo a. Règleman pwogram FEMA yo fè referans tou ak lòt kòd konsansis ak estanda, tankou ASCE-24-14, ki enkòpore egzijans elevasyon adisyonèl pi lwen pase elevasyon baz inondasyon an.

B. Aksyon Federal Ki Afekte Pwopriyete Istorik yo

Seksyon 106 NHPA a egzije FEMA pou konsidere efè aktivite li yo (yo rele yo antrepriz) sou nenpòt pwopriyete istorik epi pou l bay Konsèy Konsiltatif pou Konsèvasyon Istorik [Advisory Council on Historic Preservation (ACHP)] opòtinite poun li fè kòmantè sou pwojè sa yo anvan yo depanse nenpòt ki fon federal.  Yon aktivite Pwogram Asistans Endividyèl, Asistans Piblik, oswa Pwogram Sibvansyon pou Diminisyon Danje se yon "antrepriz" nan kad NHPA a, epi yon pwopriyete istorik se nenpòt pwopriyete ki enkli nan, oswa ki kalifye pou enkli nan Rejis Nasyonal Anplasman Istorik yo [National Register of Historic Places (NRHP)].  Pou pwopriyete istorik ki pap afekte negativman pa aktivite FEMA yo, sa a se pral sèl avi piblik la.  FEMA ka bay lòt avi piblik si yon aktivite FEMA pwopoze ta afekte yon pwopriyete istorik.

III. Plis Enfòmasyon oswa Kòmantè

Lwa Reyabilitasyon 1973 la pwoteje dwa sivil moun ki andikape. Li entèdi diskriminasyon ki baze sou andikap bò kote gouvènman federal la, kontraktè federal yo, oswa bò kote benefisyè nan asistans finansye federal. Nenpòt benefisyè oswa sou-benefisyè lajan federal oblije fè pwogram yo aksesib a moun ki gen andikap. Pwoteksyon li yo aplike nan tout pwogram ak biznis ki resevwa nenpòt lajan federal. Sa a aplike pou tout eleman nan aksè fizik / achitekti, pwogramasyon ak kominikasyon nan tout sèvis ak aktivite ki fèt pa FEMA oswa li finanse. FEMA gen entansyon konfòme li avèk Lwa Reyabilitasyon an nan tout pwogram ki swa fèt ak swa jwenn bourad asistans federal nan aliyman ak prensip enklizyon kominotè global ak aksè inivèsèl la.

Dekrè Egzekitif 13985, k ap fè Pwomosyon Pou ekite Rasyal ak sipòte Kominote Majinalize yo atravè Gouvènman Federal la (20 janvye 2021), ak Dekrè Egzekitif 14008, Abòde kriz klimatik lokalman ak aletranje (27 janvye 2021), anplis adrese bezwen pou reyalize jistis anviwònmantal ak ekite atravè gouvènman federal la. Nouvo Dekrè Egzekitif sa yo te siyen plis pase 20 ane apre Dekrè Egzekitif 12898, Aksyon Federal pou Adrese Jistis Anviwònmantal nan Popilasyon Minorite yo ak Popilasyon ak Revni Ba yo (16 fevriye 1994), endike direktiv administrasyon an bay ajans federal yo pou yo renouvle enèji, efò, resous ak atansyon yo sou jistis anviwònmantal. FEMA ap travay ak aplikan yo ak sou-aplikan yo pou idantifye kominote ki gen pwoblèm jistis anviwonmantal epi bay yon mwayen pou gwoup lokal yo ak òganizasyon imanitè yo ki gen misyon jistis anviwonmantal pou yo idantifye tèt yo pou Pwogram FEMA yo ka kòmanse travay avèk yo sou pwojè espesifik depi nan kòmansman pwosesis aplikasyon an.

FEMA gen entansyon voye finansman HMGP bay Eta Florid pou diminye domaj katastwòf ki gen pou vini yo. Pwojè sa yo ka gen ladan yo konstriksyon nouvo etablisman, reyamenajman etablisman ki egziste deja, ki pa domaje, demenajman etablisman ki soti nan plèn inondab, demolisyon estrikti, oswa lòt kalite pwojè pou diminye domaj katastwòf ki gen pou vini yo. Nan pwosesis devlopman pwopozisyon pwojè yo, yo pral pibliye avi piblik ki vin apre yo si sa nesesè, lè gen plis enfòmasyon espesifik ki vin disponib.

Sa a kapab sèl avi piblik konsènan aksyon ki dekri pi wo a kote FEMA ka bay asistans finansyè nan kad Pwogram Asistans Endividyèl, Asistans Piblik, oswa Pwogram Diminisyon Danje.  Moun ki enterese ka jwenn enfòmasyon sou aksyon sa yo oswa yon pwojè espesifik yo ka ekri Ajans Federal Jesyon Ijans (Federal Emergency Management Agency) Region 4, 3005 Chamblee Tucker Road, Atlanta, Georgia 30341-4112, oswa pa imel nan FEMA-R4EHP-FLORIDA@fema.dhs.gov. Tanpri mete sa nan sijè imel la, “DR 4709-FL EHAD”. Kòmantè yo ta dwe voye alekri nan adrès ki anwo a nan 30 jou ki vini apre dat avi sa a.