Kev Pab Lij Choj Rov Zoo Ntawm Kev Puas Tsuaj

Release Date:
Lub Kaum Ib Hlis Ntuj 4, 2024

Lub khoos kas Pab Lij Choj Ntawm Kev Puas Tsuaj (DLS) muaj cai raws li tshooj 415 ntawm txoj cai Robert T. Stafford Disaster Relief and Emergency Act (Txoj Cai Pab Thaum Raug Xwm Txheej Ceev), Txoj cai Public Law 93-288, raws li tau muab ua txoj cai rau hauv 42 U.S.C. § 5182, thiab yuav siv tau thaum lub teb chaws Tus Thawj Tswj Hwm tshaj tawm txog ib qho kev puas tsuaj uas muaj Kev Pab Rau Tib Neeg thiab pub cai rau DLS.

DLS yuav muab kev pab cuam dawb rau ntawm fab lij choj rau cov neeg dim kev puas tsuaj uas toob kas kev pab lij choj, tiam sis muaj nyiaj tsis txaus mus ntiav kws lij choj. Rau cov neeg uas xav tau kev pab lij choj DLS no, tsis muaj ib tug txheej txheem tso npe. Cov tib neeg lawv txais tau kev pab no thaum hu mus rau tus xov tooj rau kev puas tsuaj ntawd, uas yuav txhim tsa tus xov tooj ntawd thaum lub khoos kas no txais txoj cai. Ntxiv mus rau tus xov tooj no, cov tib neeg lawv kuj mus xyuas tau FEMA Tej Qho Chaw Rov Zoo Ntawm Kev Puas Tsuaj uas nyob ntawd yuav muaj kws lij choj DLS thiab.

Yuav tsum muab lub khoos kas pub rau sawv daws yam tsis xaiv ntsej muag raws li haiv neeg, nqaij xim, kev teev ntuj, yug teb chaws twg tuaj, poj txiv, hnub nyoog, kev ua tsis taus, txawj hais lus Askiv, los yog muaj nyiaj los tsis muaj los xij. Cov uas pub kev pab lij choj DLS no lawv yuav tsum npaj siab pab cov neeg uas muaj kev toob kas ntawm fab kev mus ub no thiab lwm yam, xws li tsis txawj hais lus Askiv thiab cov tib neeg uas lag ntseg, dig muag, los yog piav tes hais lus.

Cov kws lij choj no yog neeg pab dawb uas yuav sab laj nrog cov neeg dim, muab lus sam xeeb rau lawv, thiab sawv lawv cev thaum mus hais plaub (uas tsis yog nkaug lub tseem fwv loj). DLS cov kws lij choj tsis yog neeg ua hauj lwm rau FEMA. Tej kev sib sab laj uas muaj nyob nrog ib tug neeg dim kev puas tsuaj thiab ib tug kws lij choj los tej no yuav tsis muab faib nrog FEMA. Yog hais tias tus kws lij choj pab dawb no pab tsis tau cov neeg dim raws li lawv toob kas vim yuav siv sij hawm ntev dhau los yog tsis phim tus kws lij choj, ces yuav xa cov neeg dim kev puas tsuaj mus rau lwm tus kws lij choj hauv lub zej zog uas yuav pab dawb los yog tsub nqi me me. Kom thiaj kawm ntxiv txog lub khoos kas DLS no, thov mus saib Lub Khoos Kas Pab Lij Choj Rau Kev Puas Tsuaj (americanbar.org).

Cov kev pab cuam uas feem ntau yuav muaj nyob rau hauv lub khoos kas DLS muaj xws li:

  • Pab xa ntawv thov nyiaj mus rau koom haum tuav pov hwm rau cov nqi kho mob thiab tsev kho mob, ntiag tug teej tug uas xiam, kev tuag, thiab ntxiv.
  • Sau ntawv teev qub txeeg thaum tuag thiab lwm yam ntaub ntawv lij choj uas plam lawm
  • Pab nyeem cov ntawv ntiav neeg kho tsev.
  • Sab laj thiab lus sam xeeb txog cov tswv tsev/kev xauj tsev.
  • Tswj hwm yus qub txeeg qub teg, suav nrog neeg tswj thiab neeg sawv cev.
  • Kev pab lij choj rau fab tiv thaiv neeg yuav khoom.
  • Npaj cov ntawv pub cai rau lwm tus sawv yus cev.
  • Thov FEMA rov qab txiav txim siab dua, xws li muab cov ntaub ntawv sau ua ke.
Tags:
Hloov tshiab