Lus Tshaj Xo

Hnub tim: Peb Hlis Ntuj Hnub tim 28, 2009 
No.: DR-1829-ND-NR-006 
Hu cuag: FEMA Region VIII Chaw Tshaj 
Xov Xwm 

(303) 235-4908 
Xeev North Dakota 
Cecily Fong (701) 328-8100 
TIV THAIV COV TSIAJ HAUV VAJ HAUV TSEV THAUM DEJ NYAB 

Bismarck, ND – Cov tswv tsiaj hauv tsev ua tau tej yam yooj yooj yim kom pab tiv thaiv tau tsev 
neeg cov tsiaj hauv tsev thaum twg dej nyab los txog. North Dakota Tuam Tsev Pab Cov Kev 
Kub Ceev (North Dakota Department of Emergency Services) (NDDES) thiab Tsoom Fwv Teb 
Chaws Chaw Tswj Kev Kub Ntxhov (Federal Emergency Management Agency) (FEMA) ua hauj 
lwm nrog lub Chaw Cawm Tsiaj Txhu hauv Teb Chaws Asmeskas tau tawm cov tswv yim npaj 
ua ntej muaj kev puas ntsoog nram no: 

. 
Hu mus nug ib lub tsev khaws tsiaj hauv zos, lub chaw cawm tsiaj txhu, tus kws kho 
tsiaj los yog ib lub chaw pab tswj txog kev kub ceev kom paub cov kev tu xyuas tsiaj 
txhu thaum muaj kev kub ceev. 

. 
Xyuas kom paub seb cov chaw pab vaj tse so rau cov neeg raug tawm lawv tej vaj tse 
puas kam txais cov tsiaj thiab los yog mus ntsib ib tug kws kho tsiaj los yog chaw 
kaw tsiaj nyob nraum tej chaw uas dej nyab tsis txog seb lawv puas kam pab ceev koj 
tus tsiaj thaum muaj kev kub ceev. 

. 
Xyuas kom koj tus tsiaj yeej txhaj tshuaj tiv thaiv kab mob raws sij hawm thiab nqa 
cov ntawv teev cov koob tshuaj txhaj nrog koj mus. Koj tus dev yuav tsum txhaj 
koob tshuaj tiv thaiv hnoos (kennel cough) thiaj li yuav kam txais koj tus dev. 

. 
Yog koj npaj tawm tsev mus rau lub tsev txais qhua motel los yog hotel, nug seb 
lawv puas kam koj coj koj cov tsiaj nrog thaum muaj kev kub ceev. 

. 
Xyuas kom koj tus tsiaj muaj txoj saw caj dab haum nws zoo zoo uas zwm muaj 
ntaub ntawv thiab daim paib cim kab mob dev vwm nrog. Xam txog txoj kev siv txiaj 
hlau me me los cim koj tus tsiaj (nug koj tus kws kho tsiaj). 

. 
Npaj kom muaj khoom noj, dej haus thiab lwm cov khoom tseem ceeb pab, nrog rau 
cov tshuaj kom kav li ib lub lim piam rau tus tsiaj. 
. 
Thaij tus tsiaj kom muaj duab nrog rau cov ntaub ntawv tseem ceeb uas koj yuav nqa 
nrog koj thaum muaj kev kub ceev. 
. 
Yog muaj “tus neeg zov tsiaj” thaum koj tsis nyob tsev lawm, tham nrog nws txog 
cov kev puas ntsoog thiab cov tswv yim khiav tawm tsev. 

Coj cov tsiaj los rau hauv tsev thaum muaj dej nyab. Tsis txhob cia tus tsiaj nyob nraum zoov los 
yog khi nws tseg thaum muaj kev puas ntsoog. Yog dej nyab txog qib koj yuav tau tawm koj lub 
tsev, coj cov tsiaj nrog koj mus. Faj seeb txog tias tej zaum cov tsiaj cov cuj pwm yuav hloov ua 
ntej, thaum muaj kev puas ntsoog thiab tom qab muaj kev puas ntsoog tag. 


North Dakota Pab Thawj Tswj Hwm Tsiaj Txhu Kev Noj Qab Haus Huv (North Dakota Board of 
Animal Health) tab tom npaj tsim cov vaj tse nyob rau cov tsiaj txhu. Twb tsim muaj ib lub tsev 
rau tsiaj txhu nyob ntawm lub tiaj 

Red River Valley Fair Grounds lawm. Yeej muaj kev raus tes pab tsim kom muaj cov vaj tse rau 
tsiaj txhu nyob hauv txhua lub zej zog uas neeg yuav raug tawm tsev. Cov pej xeem uas raug 
tawm tsev hauv Fargo uas caij tsheb npav yuav tau muab lawv cov tsiaj mus tso rau hauv lub tsev 
Red River Valley Fair Ground Shelter. Yuav muaj ib pab neeg nrog tu xyuas tsiaj rau lub sij 
hawm neeg khiav tawm tsev. 

Xav paub ntxiv txog cov kev uas koj npaj rau txhua hom teeb meem, thov txuas mus xyuas 
www.fema.gov thiab www.ready.gov. 

FEMA coj thiab txhawb lub teb chaws raws li txoj kev xyuam xim txog kev ntsib teeb meem, kev 
tswj xyuas zoo tshaj plaws txog kev kub ceev los ntawm txoj kev npaj, kev tiv thaiv, kev pab, kev 
cawm,thiab kev txhim kho kom txo txhua yam kev puas ntsoog rau txoj sia thiab cuab yeej thiab 
tiv thaiv lub teb chaws ntawm txhua yam kev phem nrog rau kev puas ntsoog uas ntuj tsim, kev ua 
lim hiam siab phem thiab lwm cov kev puas ntsoog uas tib neeg tsim muaj.